Ուսանող Դավիթ Պետրոսյանին եւ նրա պաշտպանին թույլ չեն տալիս դուրս գալ ոստիկանության բաժնից

12:41, 17 ապրիլի, 2018

«Իրավունք եւ պաշտպանություն առանց սահմանների» ՀԿ իրավաբան Հասմիկ Հարությունյանը հայտնեց, որ այսօր առավոտյան ոստիկանության Նոր Նորքի բաժին բերման ենթարկված ԵՊՀ ուսանող Դավիթ Պետրոսյանին եւ նրա փաստաբան Արաքս Մելքոնյանին այս պահի դրությամբ թույլ չեն տալիս դուրս գալ ոստիկանության բաժնից, թեեւ բերման ենթարկելու հետ կապված բոլոր գործողություններն ավարտված են: Նրանց ազատ տեղաշարժի իրավունքի պաշտպանության նպատակով ոստիկանության Նոր Նորքի բաժին է գնացել «Իրավունք եւ պաշտպանություն առանց սահմանների» ՀԿ-ի նախագահ, փաստաբան Հայկուհի Հարությունյանը: