«Մինչ օրս նրա արյունոտ անկողինը չի փոխվել». Հովհաննես Հարությունյանի պաշտպան

00:55, 30 հուլիսի, 2016

«Սասնա Ծռեր» խմբի անդամներից Հովհանես Հարությունյանի պաշտպանները այսօր բողոք են ներկայացրել արդարադատության և առողջապահության նախարարներին, Մարդու իրավունքների պաշտպանին, քրեակատարողական վարչության պետին:

Բողոքի պահանջը մեկն է՝ Հովհաննես Հարությունյանին տեղափոխել քաղաքացիական հիվանդանոց:

Հուլիսի 26-ին վիրավորված, ապա կալանավորված ու «Դատապարտյալների հիվանդանոց» տեղափոխված Հովհաննես Հարությունյանի պաշտպաններից Արա Կարագյոզյանը «Հետքին» փոխանցեց, որ իր պաշտպանյալը անմարդկային պայմաններում է գտնվում «Դատապարտյալների հիվանդանոցում»:

Այդ պայմաններում անձին պահելը նա խոշտանգում է համարում։ «Մինչ օրս նրա արյունոտ անկողինը չի փոխվել, հակասանիտարական պայաններում է պահվում, սենյակում նույնիսկ թթվածնի պակասություն կա»,- ասաց Կարագյոզյանը։