Կիրակի, 20 հոկտեմբերի

Նախագահը ստորագրել է նախարարների ազատման հրամանագրերը



Գիշերը ստորագրած հրամանագրերով նախագահ Արմեն Սարգսյանը պաշտոնից ազատել է 6 նախարարների:

Հիշեցնենք, որ «Բարգավաճ Հայաստան» և «Հայ Յեղափոխական Դաշնակցություն» կուսակցությունների անդամ նախարարներին պաշտոններից ազատելու առաջարկով գրությունը վարչապետ Նիկոլ Փաշինյանը ստորագրեց երեկ՝ հանրահավաքի ժամանակ: Հավաքը կայացավ այն բանից հետո, երբ խորհրդարանական 3 խմբակցություններ կողմ քվեարկեցին մի նախագծի, որն ըստ էության կարող է խոչընդոտել արտահերթ խորհրդարանական ընտրություններ անցկացնելուն: Փաշինյանը մինչ այդ կոչ էր արել պատգամավորներին չգնալ Ազգային ժողով և չգրանցվել, իսկ գրանցումից հետո հրապարակավ ստորագրեց ազատման գրությունը՝ հավելելով, որ դրան կհաջորդի այս ուժերի ներկայացուցիչ մարզպետների ազատումը:

Վարչապետի առաջարկով և նախագահի հրամանագրերով պաշտոններից ազատվել են արտակարգ իրավիճակների նախարար Հրաչյա Ռոստոմյանը, տնտեսական զարգացման և ներդրումների նախարար Արծվիկ Մինասյանը, էներգետիկ ենթակառուցվածքների և բնական պաշարների նախարար Արթուր Գրիգորյանը, սպորտի և երիտասարդության հարցերով նախարար Լևոն Վահրադյանը, տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը և գյուղատնտեսության նախարար Արթուր Խաչատրյանը:

Պաշտոնից ազատված նախարարների լուսանկարները նշված են սև ու սպիտակ գույներով


Գլխավոր էջ

Տպել    |  In English



Մեկնաբանություններ (2)
1. Թինա18:29 - 3 հոկտեմբերի, 2018
Էս երկրում հեռացում չի գործում այս օր ազատվեց օրեր անց մեկ ուրիշ պաշտոն կստանա ....
2. HAGOP08:44 - 5 հոկտեմբերի, 2018
GOOD RIDDANCE! NO NEED FOR DIRT BAG POLITICIANS!!!! ARMENIA HAS ENOUGH GARBAGE IN THE STREETS. IT DOES NOT NEED MORE GARBAGE IN ITS GOVERNMENT.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված