Կիրակի, 22 սեպտեմբերի

Շախմատային Օլիմպիադայի 8-րդ տուրում Հայաստանի տղամարդկանց հավաքականը ոչ-ոքի խաղաց Լեհաստանի հետ



Բաթումիում շարունակվում է շախմատի համաշխարհային Օլիմպիադան, որտեղ այսօր կայացան 8-րդ տուրի հանդիպումները: Հայաստանի տղամարդկանց հավաքականը մրցաշարում իր առաջին ոչ-ոքին խաղաց՝ 2:2 հաշվով հաշտություն կնքելով Լեհաստանի ընտրանու հետ:

Առաջինից չորրորդ խաղատախտակները համապատասխանաբար զբաղեցնող Լևոն Արոնյանը, Գաբրիել Սարգսյանը, Հրանտ Մելքումյանը և Ռոբերտ Հովհաննիսյանը իրենց պարտիաները ոչ-ոքի ավարտեցին, հաղթանակներ և պարտություններ չգրանցվեցին:

Մրցաշարում միակ պարտությունը Հայաստանի տղամարդկանց հավաքականը կրել էր 5-րդ տուրում՝ 2,5:1,5 հաշվով զիջելով Ադրբեջանի ընտրանուն: Մնացած 6 տուրերում հայ շախմատիստները հաղթանակ էին տարել:

Օլիմպիադայի ավարտից 3 տուր առաջ մրցաշարային աղյուսակը 15 միավորով գլխավորում է ԱՄՆ-ի ընտրանին: Լեհաստանի հավաքականը 14 միավորով 2-րդն է, իսկ Հայաստանի հավաքականը 13 միավորով ևս 6 հավաքականների հետ բաժանում է 3-9-րդ հորիզոնականները: Իհարկե, մեր ընտրանին տեսական շանսեր դեռ պահպանում է Օլիմպիադայում հաղթելու համար, սակայն դա գործնականում դժվար է պատկերացնել: 

Հիշեցնենք, որ շախմատի Հայաստանի տղամարդկանց հավաքականը Օլիմպիադայի եռակի հաղթող է: Մեր հավաքականը հաղթանակ է տարել 2006, 2008 և 2012 թվականների մրցաշարերում:

Հայաստանի կանանց հավաքականը այս տուրում կրել էր իր առաջին պարտությունը՝ 3:1 հաշվով զիջելով Ուկրաինայի ընտրանուն:

Լուսանկարը՝ մրցաշարի պաշտոնական կայքից


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված