Կիրակի, 17 նոյեմբերի

Նախնական հաշվարկով՝ «Իմ քայլը» հավաքել է 81.06 % ձայն



Կենտրոնական ընտրական հանձնաժողովի նախնական տվյալներով՝ Երևանի քաղաքապետ է ընտրվել «Իմ քայլը» դաշինքի թեկնածու Հայկ Մարությանը։ Նրա օգտին քվեարկել է ընտրությանը մասնակցածների 81.06 տոկոսը կամ 294 109 ընտրող:

Երկրորդ տեղում «Բարգավաճ Հայաստան» կուսակցությունն է, որը հավաքել է 6.95 տոկոս ձայն: Երրորդում՝ «Լույս» դաշինքն է՝ 4.99%-ով:

Կան նախնական տվյալներ այն մասին, թե քաղաքական ուժերը որ վարչական շրջանում, որքան ձայն են հավաքել։

Ըստ ԿԸՀ-ի տվյալների՝ Հայկ Մարությանը Երևանի բոլոր վարչական շրջաններում քաղաքապետի այլ թեկնածուներին հաղթել է ձայների գերակշիռ մեծամասնությամբ։ Նրա օգտին վարչական շրջաններում քվեարկել է քվեարկությանը մասնակցածների 71-86 %-ը։ Մարությանն ամենաշատ ձայներ հավաքել է Մալաթիա-Սեբաստիա վարչական շրջանում․ նրա օգտին քվեարկել է քվերակությանը մասնակցածների 86․2 %-ը։

Հիշեցնենք, որ ըստ ԿԸՀ-ի նախնական տվյալների՝ քվեարկությանը մասնակցել է Երևանում ընտրելու իրավունք ունեցողների 43․65 տոկոսը․ 848 343 ընտրողներից 370 323-ը։

Երևանի վարչական շրջաններից ամենաակտիվը Նորք-Մարաշն է եղել։ Այստեղ քվեարկել է ընտրելու իրավունք ունեցողների 47 տոկոսը։ Ամենապասիվը Էրեբունի վարչական շրջանն է, այստեղ քվեարկել է ընտրելու իրավունք ունեցող երևանցիների 40 տոկոսը։ Ընդհանրապես, բոլոր վարչական շրջաններում քվեարկության ակտիվությունը կազմել է 40-47 տոկոս։


Գլխավոր էջ


Տես նաև՝

ավելին



Մեկնաբանություններ (1)
1. Գայանե12:41 - 24 սեպտեմբերի, 2018
Հարգելի լրագրող, երեկ տեղի են ունեցել Երևանի ավագանու, այլ ոչ թե քաղաքապետի ընտրություններ։ Քաղաքապետին ընտրելու է ավագանին, և որքան էլ որ պարզ լինի այն, որ Հայկ Մարությանն է ընտրվելու, Ձեր հոդվածի վերնագիրն ու շեշտադրումներն այս առումով սխալ են։ Տարիներ շարունակ ավագանին ստորադասվել է քաղաքապետին և մարդկանց ընկալումներում անկարևոր մարմին է եղել, մինչդեռ իրականում ավագանին է տեղական ինքնակառավարման բարձրագույն մարմինը։ Առաջարկում եմ փոխել հոդվածի վերնագիրն ու ձևակերպումները՝ չխորցնելու համար այս թյուր ընկալումները։ Երեկ 81.06 % ձայն ստացել է «Իմ քայլը» դաշինքը, այլ ոչ թե Հայկ Մարությանը, իսկ քաղաքապետ դեռևս որևէ մեկը չի ընտրվել (նույնիսկ նախնական տվյալներով)։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված