Շաբաթ, 23 նոյեմբերի

Դիտորդի փոխանցմամբ՝ «Բարգավաճ Հայաստան» կուսակցության վստահված անձը ուղղորդել է ընտրողներին



Երեւանի Էրեբունի եւ Նուբարաշեն վարչական շրջանների 10/05 ընտրատեղամասում քվեարկության է եկել 1965 ընտրողից 606-ը: Հանձնաժողովի նախագահ Արթուր Օսիպյանը «Հետք»-ին հայտնեց, որ քվեարկությունը ակտիվ չի անցնում, քվեարկության է եկել ընտրողների գրեթե 30 տոկոսը: Օսիպյանի փոխանցմամբ՝ խախտումներ չեն գրանցվել, միայն դիտորդներից բողոք է ստացել «Իմ քայլը» դաշինքի վստահված անձի վերաբերյալ, ով քնել է ընտրատեղամասի հանգստի սենյակում: Այս մասին նաեւ արձանագրություն է կազմվել:

Օսիպյանը վստահեցնում է, որ լուրջ խախտումներ, կուտակումներ, ուղղորդումներ չեն եղել: Այնինչ Ժուռնալիստների «Ասպարեզ» ակումբի դիտորդ Մարգարիտ Հարությունյանը «Հետք»-ին փոխանցեց, որ «Բարգավաճ Հայաստան» կուսակցության վստահված անձը ողջ օրվա ընթացքում քվեարկության եկող ընտրողներին ուղղորդել է, նրանց հետ զրուցել: «Ինքս նախագահին դիմեցի այդ հարցով, որ ինքը արձագանքի, իր կողմից ասաց, սակայն հետագայում կրկին շարունակվեց»,- նշեց դիտորդը:

Մարգարիտան ասում է՝ մի պահ դուրս է եկել ընտրատեղամասից եւ նկատել, որ մի քանի տղամարդու հետ այդ վստահված անձը զրուցում է: Ասում է՝ երբ իրեն տեսել են, հեռացել են:

Դիտորդի խոսքով՝ ընտրատեղամասի կահավորումը եւս խախտումներով է, քանի որ դռները քվեախցիկների ետեւում են: Նրա փոխանցմամբ՝ քանի որ տեղափոխելու հնարավորություն չի եղել, խնդրել են դռներն ամրացնել, ինչը եւ արվել է:

Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված