Հինգշաբթի, 14 նոյեմբերի

Նիկոլ Փաշինյանը կոչ է անում ֆրանսերեն սովորել



Կառավարության հերթական նիստը վարչապետ Նիկոլ Փաշինյանը սկսեց ֆրանսերեն սովորելու կոչով։ Փաշինյանը տեղեկացրեց, որ սեղաններին է ոստիկանության նվերը կառավարության անդամներին՝ հայերեն-ֆրանսերեն զրուցարան։ Վարչապետը հիշեցրեց, որ առաջիկայում Երևանում Ֆրանկոֆոնիայի գագաթնաժողովն է։

«Սա շատ լավ առիթ է մեզ համար, որ մեր իմացած լեզուների քանակն ավելացենք, ես կարծում եմ, որ նոր Հայաստանում ՀՀ քաղաքացիները պետք է մի քանի օտար լեզու իմանան, ու գագաթնաժողովը լավ առիթ է, որ այս ուղղությամբ մեկ քայլ անենք»,- ասաց նա։

Վարչապետի խոսքով՝ զրուցարան կլինի ոստիկանության աշխատակիցների մոտ, և ոստիկանապետ Վալերիյ Օսիպյանից հետաքրքրվեց, թե ինչ տպաքանակով է այն տպագրվել:

«Չեմ կարող ասել տպաքանակը, բայց ոստիկանության ծառայողները, ովքեր շփվելու են հյուրերի հետ, կունենան»,- ասաց Օսիպյանը։

Հիշեցնենք, որ հոկտեմբերի 7-12-ը Երևանում տեղի է ունենալու Ֆրանկոֆոնիայի գագաթնաժողովը։


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված