Կիրակի, 17 նոյեմբերի

Քննարկվում է Գևորգ Սաֆարյանի խափանման միջոցը փոխելու հարցը (լրացված)



15:12

Վերաքննիչ դատարանը 2 ժամ խորհրդակցական սենյակում գտնվելով` հետաձգեց Գևորգ Սաֆարյանի խափանման միջոցը փոխելու մասին միջնորդության լուծումը։ Դատարանը պատճառաբանեց, որ կանդրադառնա այդ հարցին գործի քննության ժամանակ, քանի որ Սաֆարյանը մեղադրվում է ծանր հանցագործության մեջ և առաջին ատյանում մեղավոր է ճանաչվել։ Հիշեցնենք, որ Գևորգ Սաֆարյանը մեղադրվել է հայտնի տոնածառի և զանգածային անկարգությունների կազմակերպման գործերով։ Դատապարտվել է 6 տարվա ազատազրկման։ Բազմաթիվ իրավապաշտպան կազմակերպություններ Գևորգ Սաֆարյանին ճանաչել են քաղբանտարկյալ։ Ինքը` Գևորգը, ևս մշտապես պնդել է, որ մեղադրանքը շինծու է։

13:29

Ժիրայր Սեֆիլյանի և մյուսների գործով դատական կազմն այժմ խորհրդակցական սենյակում է, և քննարկում է Գևորգ Սաֆարյանի խափանման միջոցի փոփոխման հարցը։ Փաստաբան Տիգրան Եգորյանը միջնորդություն է ներկայացրել խափանման միջոց կալանքը ստորագրություն չհեռանալու մասին փոխելու վերաբերյալ։ Դատախազը չառարկեց և նշեց, որ իրավիճակ է փոխվել, և նվազել է հանրային վտանգավորությունը։ Նրան էլ առարկեց Գևորգ Սաֆարյանը՝ նշելով, որ ինքը երբևէ վտանգավոր չի եղել։ 

Առավոտյան Գևորգ Սաֆարյանի խափանման միջոցը փոխելու անձնական երաշխավորություն են ներկայացրել Ազգային ժողովի պատգամավորներ Հայկ Կոնջորյանը և Ալեն Սիմոնյանը։ 

Դատարանի բակում Ժիրայր Սեֆիլյանի և մյուս քաղբանտարկյալների աջակիցներն են։


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված