Երեքշաբթի, 17 սեպտեմբերի

Ռաֆիկ Աթայան. «Մաքսիմ Հակոբյանի և մեր պատկերացրած Հայրենիքը միանգամայն տարբեր հասկացություններ են»



Նախ և առաջ ուզում եմ շնորհակալություն և երախտագիտություն հայտնել բոլոր այն մարդկանց, հասարակական, քաղաքական կազմակերպություններին, բնապահպան ակտիվիստներին, լրատվամիջոցներին, ովքեր Քաջարան գյուղի համար դժվարին այս օրերին նեցուկ եղան, աջակցեցին մեզ՝ զավթիչներից գյուղը պաշտպանելու ազգային և հայրենասիրական գործում: Մենք հույս ունենք, որ այդ աջակցությունը շարունակություն կունենա մինչև խնդրի հաղթական լուծումը:

Այսօր ուզում եմ անդրադառնալ ևս մի քանի հարցի, որոնք հրատապ են պայքարի ներկա փուլում:

1. Գյուղի տարածքը Քաջարանի կոմբինատին տալու կողմնակիցները հաճախ են շեշտում «հանրային գերակա շահ» հասկացությունը: Մինչև հիմա, սակայն, ոչ ոք չի փորձել պարզաբանել, բացատրել այդ բառակապակցության իմաստը: Հիմա ուզում եմ՝ վերջնականապես հասկանանք, թե ինչ է նշանակում «հանրային գերակա շահ»:

Կշեռքի մի նժարին սահմանային Քաջարան գյուղն է, մյուսին՝ մի քանի անհայտ, ծպտված մարդկանց անձնական շահը, փողի, թալանի հանդեպ անզուսպ մոլուցքը: Եկենք որոշենք՝ սահմանային Քաջարան գյո՞ւղն է գերակա շահ մեր երկրի համար, թե՞ մի քանի հոգու (որոնց անունները գաղտնի են պահվում հանրությունից) անձնական շահը:

Հանրային գերակա շահի մասին խոսելիս հաճախ են մեզ հիշեցնում, թե դրա արդյունքում պետական բյուջե ավելի շատ փող կմտնի: Դե իհարկե պիտի դրանից հարկերի չափն ավելանա: Մի՞թե հարկեր վճարելն էլ ուզում են բարեհոգություն համարել: Բյուջեի փողի նպատակն էլ ի վերջո պետք է սահմանամերձի ամրացումը լինի: Եթե բյուջեում փող ունենք, իսկ սահմանում՝ լքված գյուղեր, ապա ո՞ւմ է պետք այդ բյուջեն:

Ելնելով վերը ասվածից՝ մեկ անգամ ևս հայտարարում եմ՝ գերակա հանրային շահը նախ և առաջ սահմանային գյուղի պաշտպանությունն ու ամրապնդումն է: Այլ գերակա շահ չեմ պատկերացնում:

2. Վերջին ամիսներին մոդայիկ է դարձել մայրաքաղաքից որոշ պաշտոնյաների՝ Քաջարան գյուղ գալ-գնալը: Եվ բոլորն էլ միաբերան այցի ավարտից հետո հայտարարում են, թե Քաջարան գյուղում ընդամենը մի քանի ընտանիք է ապրում: Մաքսիմ Հակոբյանը Նոր տարվա նախօրյակին հայտարարեց, թե տասներկու ընտանիք է ապրում գյուղում:

Այդ կարգի հայտարարությունները ոչ միայն սուտ են ու զրպարտչական, այլև ամոթալի հենց Մաքսիմ Հակոբյանի համար: Եթե իսկապես Քաջարան գյուղում ընդամենը տասներկու ընտանիք է ապրում, ապա առաջին հերթին դրանից պետք է ամաչի կոմբինատի տնօրենը:

Նրա և մյուս պրոպագանդիստների հորինած տեղեկատվությունը ևս մեկ անգամ հաստատում է, որ տարիներ շարունակ այնքան է անտեսվել Քաջարան գյուղի շահը, որ մարդկանց մի մասը հեռացել է այնտեղից: Եթե մենք մի քիչ բարոյականություն ունենանք, ապա պետք է գյուղում ապրողներին խրախուսենք, մարդկանց պատճառված ամենօրյա վնասը փոխհատուցենք, այլ ոչ թե մնացածներին վարկաբեկենք, ահաբեկենք ու քշենք գյուղից:

3. Նոր տարվա նախօրյակին Կապանի տեղական հեռուստատեսությամբ երկար լռությունից հետո ելույթ է ունեցել «ԶՊՄԿ» ՓԲԸ-ի տնօրեն Մաքսիմ Հակոբյանը. աչքներս լույս: Նրա ելույթը լսելուց հետո ևս մեկ անգամ եզրակացրինք, որ Հայրենիքի նրա ընկալումը և մեր պատկերացումն իրար հետ ոչ մի կապ չունեն:

Այդ ելույթը ևս մեկ անգամ ցույց տվեց, որ մենք պայքարում ենք սահմանային Քաջարանի լինելության, մեր պետության հարավային սահմանների ամրապնդման համար, իսկ Մաքսիմ Հակոբյանը և իր ծպտյալ գործընկերները պայքարում են իրենց, իրենց անհամար եղբայրների ու զավակների, իր՝ կասկածելի դավանանքի տեր տեղակալների ու օգնականների հարստացման համար:

Պետական գերակա շահի անունից խոսող այդ մարդիկ նույնիսկ իրենց զավակներին բանակ չեն ուղարկել, իրենց հայրենի գյուղում թիկնապահներով են շրջում և օրերով փակվում Քաջարանից դուրս գտնվող իրենց պալատներում:

Նրանք խոսում են գյուղին իբր մի քանի միլիոն դրամ տալու մասին, իսկ իրենցից յուրաքանչյուրի ամսական աշխատավարձը միայն կազմում է մի քանի միլիոն դրամ, որոշներինը՝ մի քանի տասնյակ միլիոն դրամ, երբ նույն կոմբինատի բազմաթիվ աշխատողների ամսական միջին աշխատավարձը մոտ 80-90 հազար դրամ է: Այդ մարդիկ շատ վաղուց պետական ու հանրային շահը շփոթում են անձնական շահի հետ:

Եթե չեք հավատում, ապա հաշվեք-հաշվարկեք, թե կոմբինատի այսպես կոչված «արբանյակ» ձեռնարկություններից քանիսն են պատկանում Մաքսիմ Հակոբյանին ու նրա մերձավորներին, փորձեք ճշտել, թե տարեկան քանի միլիարդ դրամ է փոխանցվում հորինված այդ ձեռնարկություններին:

Այնպես որ, Մաքսիմ Հակոբյանի և մեր պատկերացրած Հայրենիքը միանգամայն տարբեր հասկացություններ են: Ուրեմն՝ գյուղի ճակատագրի շուրջ Մաքսիմ Հակոբյանի և նրա ծառաների հետ բանակցելն անլուրջ գործ ենք համարում, ինչի համար և վաղուց հրաժարվել ենք այդ բանակցություններից:

4. Ինչպես գիտեք, օրեր առաջ հրաժարականի դիմում էի ներկայացրել տարածքային իշխանությանը: Տեղյակ եմ պահում, որ այդ դիմումը ընթացք չի ստացել, դեռևս ուժի մեջ է և կմնա այնքան ժամանակ, քանի դեռ հանրապետության կառավարությունը չի հրաժարվել հայտնի հակազգային որոշումից:

5. Վերջին շրջանում կոմբինատի պաշտոնյաների կողմից համառորեն կեղծիքներ են տարածվում այն մասին, թե իբր Քաջարան գյուղի բնակիչները 1968թ. հայտնի երկրաշարժից հետո փոխհատուցում են ստացել: Հայտարարում եմ՝ դա զրպարտություն է: Այն ժամանակ պետության կողմից մասնակիորեն փոխհատուցվել են երկրաշարժի պատճառած վնասները, և երբեք խոսք չի եղել մարդկանց տների ու ունեցվածքի ամբողջական փոխհատուցման մասին: Ավելին, մոտ 50 տարի փայտե, վաղուց փտած տներում մարդկանց պահելը մեծագույն ամոթ է նախ և առաջ կոմբինատի համար:

6. Ուզում եմ հայ հանրությանը տեղյակ պահել, որ գյուղի տարածքի համար վերջին ամիսներին մղվող պատերազմի ընթացքում Քաջարանի կոմբինատի վերնախավը ահուսարսափի քաղաքականություն է իրականացնում գյուղի և գյուղացիների հանդեպ, թեև նրանց ահաբեկումներից մենք չենք ընկճվում:

Դեռևս երկու տարի առաջ են գյուղի երկու ճանապարհի վրա արգելափակոց դրել և շուրջօրյա հսկողություն սահմանել դեպի գյուղ եկող-գնացողների վրա: Իսկ հիմա Քաջարան գյուղի բանակից զորացրված երիտասարդներին աշխատանքի չեն ընդունում՝ մարդկանց հուսահատության մատնելու համար:

7. Մենք դիմում ենք Հայաստանի Հանրապետությունում Գերմանիայի Դաշնության արտակարգ և լիազոր դեսպանին՝ իրենց երկրի կառավարության միջոցով ապահովել «Քրոնիմետ մայնինգ» ընկերության տնօրեն Պիլարսկու այցը Քաջարան գյուղ, քանի որ, ըստ պաշտոնական տեղեկատվության, հենց այդ ընկերությունն է կոմբինատի գլխավոր սեփականատերը: Գյունտեր Պիլարսկին պետք է բացատրություն տա քաջարանցիներին, թե ինչու են անպայման հավակնում մեր գյուղի տարածքին, երբ գործող հանքավայրը կբավականացնի ևս 2 դար:

8. Դիմում եմ նաև Հայաստանի կառավարությանը՝ վերջնականապես բացահայտել Քաջարանի կոմբինատի իրական սեփականատերերի անունները, որպեսզի Քաջարան գյուղի բնակիչները նրանցից պահանջեն փոխհատուցում՝ ամեն օր գյուղի օդային ավազանին և շրջակա միջավայրին ու մարդկանց առողջությանը հասցվող աներևակայելի վնասների համար:

9. Օգտվելով առիթից՝ ևս մեկ անգամ ի լուր ամբողջ Հայաստանի, գյուղի ամբողջ բնակչության անունից հայտարարում եմ՝ գյուղի տարածքի որևէ մաս «ԶՊՄԿ» ՓԲԸ-ին տալու շուրջ որևէ զիջում կամ բանակցություն լինել չի կարող: Մեր պայքարը շարունակական է: Դարերի ընթացքում քաջարանցին քանիցս պաշտպանել է իր գյուղն օտար զավթիչներից:

Այսօր էլ մենք վճռական ենք մինչև վերջ՝ տեր կանգնելու մեր բնօրրանին և դիմագրավելու զավթիչներին: Եթե շատ-շատերի համար Քաջարան գյուղը հանքավայր է, նորանոր միլիոններ դիզելու միջոց, ապա մեզ համար այն Հայրենիք է, որի շուրջ որևէ սակարկություն լինել չի կարող:

Կոչ եմ անում իմ հայ ժողովրդին միանալ քաջարանցիների անզիջում պայքարին:

Օգտվելով ընձեռված առիթից՝ թույլ տվեք շնորհավորել հայ ազգի Ամանորն ու Սուրբ Ծնունդը: Ցանկանում եմ՝ ազգիս համար 2012-ը լինի նվաճումների և հաղթանակների տարի:

Ռաֆիկ Աթայան
ՀՀ Սյունիքի մարզի Քաջարանի գյուղապետ
09 հունվարի, 2012թ.


Գլխավոր էջ

Տպել    |  In English


Տես նաև՝

ավելին



Մեկնաբանություններ (32)
1. Վարազ Սյունի (Ամստերդամ)19:01 - 9 հունվարի, 2012
Հոյակապ, ճիշտ, քաջ ու շատ կարևոր հոդված է: Հպարտ եմ Ռաֆիկ Աթայանի և Քաջարան(ց) գյուղի բնակիչների ԿԵՆԱՑ-ՄԱՀՈՒ պայքարով: Նույնիսկ հուզիչ է: Այսօր Քաջարան գյուղում վճռվում է Հայաստանի ԱՊԱԳԱՆ:Միանշանակ: Մերօրյա Սարդարապատն է:
2. Վարազ Սյունի (Ամստերդամ)19:39 - 9 հունվարի, 2012
Նորից կրկնեմ. Ես ԻՐՈՔ գտնում եմ,որ Սյունիքի ԱՄԵՆԱՈԽԵՐԻՄ ԹՇՆԱՄԻՆ ԶՊՄԿ-ը,սրա տնօրեն Մաքսիմ Հակոբյանն ու իր պատգամավոր խաղացող որդի ՀՀԿ-ական Վահե Հակոբյանն է, ու սրանց շուրջը խռնված կլանային-հանքային մութ (հիմնականում ՀՀԿ-ական )մի քանի կերպար:................................ Ես ԿՈՉ եմ անում ԲՈԼՈՐԻՆ պայքարել Կապանում գործող տեղական Խուստուփ TV-ի ԴԵՄ: Վերջինս ԱՆԱՄՈԹԱԲԱՐ պրոպագանդա է անում հանքային կլանի համար ու ԼՐԻՎ ԿԱԽՎԱԾ է իրենցից: Հանքերից հեռու (Կապանի մոտ գտնվող Դիցմայրի գյուղում) ամառանոց կառուցող Խուստուփ TV-ի տնօրեն քաջարանցի Սասուն Մանուկյանը նախկին ՀՀՇ-ական է, հիմա պաշտոնապես Դաշնակ, բայց իրականում «ձրի» պրոպագանդա է անում ՀՀԿ-ի համար : ՓԱԿԵԼ Է ՊԵՏՔ Խուստուփ TV-ին. ՀԱՆՈՒՆ Սյունիքի/Հայաստանի:
3. narine21:59 - 9 հունվարի, 2012
Rafik,Maqsimi patasxan@ menq talu enq mi qani amsic.Maqsim@ foxi molucqic irakanutyunic ktrvel e,na 4i patkeracnum,vor fox@ der amen in4 4e,na 4i haskanum,vor du,es aveli harust enq,qan inq@,qan en mi qani takanqner@,vor ir koxqin en.Isk in4 verabervum e Qajaranin,Maqsim@ ir akanji hetev@ ktesni...Duq menak 4eq,menq haxtox tesak enq.
4. Գևորգ00:04 - 10 հունվարի, 2012
Հալալ է Ձեզ, եթե մինչև վերջ այդպիսի վճռականություն և կամք դրսևորեք Քաջարանին ողջ աշխարհն էլ չի կարող հաղթել: Մենք Ձեր կողքին ենք:
5. Dr. Aramais Mirzakhanian05:03 - 10 հունվարի, 2012
Կեցցե՛ քաջ քաջարանը.... Ես ձեր պայքարի հետ եմ : Եվրամիության հայազգի քաղաքացի, Լեռնային Ղարաբաղի Հանրապետության «Երախտագիտություն» մեդալի շքանշանակիր, Ստոքհոլմի Արքայական Տեխնոլոգիական Ինստիտուտ ի դասախոս՝ դոկոր Արամայիս Միրզախանյան:
6. karen11:53 - 10 հունվարի, 2012
Mi te kareli e aydqan agah u aninqnaser linel?
7. AZAT13:05 - 11 հունվարի, 2012
ԱՅ Վարազիկ քեզ ու աթայան ռաֆիկի նման "հերոսներ" մեր ազգին պետք չեն
8. AZAT13:55 - 11 հունվարի, 2012
ՆԱՐԻՆԵ քեզանից ավելի տականք ես չեմ պատկերացնում, քո տեսակը չի կարող հաղթող լինել այ ..........................
9. Armenoid15:06 - 11 հունվարի, 2012
Ախր այ ժողովուրդ, ետքան միամիտ մի եղեք, ըստ Ձեզ Աթայան Ռաֆիկը ուղղակի լոկ մարդասիրական ու հայրենասիրական սկզբունքներից ելնելով է փորձում դիմակայել կոմբինատին? Այստեղ անզեն աչկով նշմարվում է այն, որ Աթայան Ռաֆիկը, ինչ որ Մարզային ուժերի պատվեր է իրականացնում, այս պայմաններում ուղղակի անբարոյականության մասին է խոսքը գնում`ենթագիտակցական մակարդակում:
10. Armenoid15:12 - 11 հունվարի, 2012
Ժողովուրդ Աթայան Ռաֆիկը Ձեր մասին չի մտածում, այլ իր և իրեն հովանավորող ուժերի շահերի: Հարկ է նշել, որ հանքի շահագործումը ռեալ հնարավորություններ է ընձեռելու ոչ միայն մարզին`այլ նաև ընդհանուր հանքարդյունաբերության ոլորտին:
11. Baron15:54 - 11 հունվարի, 2012
Hargeli Hetq.am Dzer sayti meknabanutyunneri dasht@ darcel e andznakan viravoranqneri u haraberutyunneri parzabanman tex. Gamanak@ che ardyoq verj tal ays xexkatakutyan@, mite hnaravor che texadrel miayn ayn meknabanutyunner@, voronq anmijakan kap unen hodvaci het? Chem uzum andznavorel, bayc meknabanutyunner groxneric shater@ nuynisk patkeracu chunen , te inchi masin e xosq@. Inch veraberum e nshvac xndrin, apa, im karciqov ev duq ev meknabanutyun toxnoxner@ gnum eq lriv sxal chanaparhov - andznavorelov harc@.Es uzum em haskanal Rafik Atayanin - um dem e payqarum na karavarutyan, vor @ndunel e voroshum@, te kombinati tnoreni? Ev da der qich e haytararum e vor inq@ paterazmum e cicaxeli e. Evs mek nkatarum kardalov hodvac@, karox em hamozvac asel, vor dra hexinak@ mianshanak Rafik Atayan@ che. Es andzamb chanachum em nran, canot em nra intelektual makardakin, banavor ev gravor xosqin.
12. narine19:22 - 11 հունվարի, 2012
AZAT,HASKANALI E,VOR PATVER EQ KATARUM.QO HAC VASTAKELU DZEVN EL DA E,QO TESAKN EL DA E;AY MAQSIMI .... MI QANI AMSIC MAQSIM@ HASKANALU E,VOR SXAL ARJEQNERI E DAVANEL EV QO TESAK@ EL NRAN PETQ 4I GALU.{VOR IMANAM OV ES,VO4 MEK@ 4I KAROXANALU QEZ FRKI }
13. Սասուն19:35 - 11 հունվարի, 2012
Պարոն, Baron, Եթե Րաֆիկ Աթայանը իր ստորագրությունը դրել է հոդվածի տակ, ուրեմն նրա տեսակտներն են: Դուք հարցի կարևորությունը թողած հավկթի մեջ մազ եք մանգալիս....Դուք գրեք ու ավելի լավ գրեք: Գրեք հայերեն տառերով...
14. Davo19:36 - 11 հունվարի, 2012
Rafik Atayan@ es patmutyan mech karcum em pchacac heraxosi der e katarum, isk drseric finansner stacor hasarakakan kazm urraki pr en anum irenc pori hamar.Karcum em bolors el gitakcum enq vor ZPMK mer tntesutyan himnasyuneric ev Rafulikner@ che vor petq e mez hayrenasirutyan dasher tan
15. Արամայիս Միրզախանյան 20:00 - 11 հունվարի, 2012
http://www.facebook.com/groups/267550713312372/members/
16. mahmouzian20:17 - 11 հունվարի, 2012
rafikatayan is a mench.he has gutts maksim hakboyan is a echec he should have open his eyes when he visited the village a rare donkey he is .and zcmc get out of this.situation honorably.get out .
17. Baron20:39 - 11 հունվարի, 2012
Hargeli Hetq.am, hargarjan Edik Baxdasaryan husov em patvic cacr cheq hamari patasxanelu naxord meknabanutyan mej nshvac im ditarkman@
18. zaven20:58 - 11 հունվարի, 2012
Paron, armenoid, duq om tashtakitz eq utoom? Kadjarane u nra mardik azniv en u hayrenaser.
19. narine23:35 - 11 հունվարի, 2012
Maqsim Hakobyan@ petq e dem ar dem xosi Qajarancineri het,vo4 te herustatesutyamb.Na @ndamen@ kombinati tnoren e...tox nayi mardkanc a4qerin,nor...axr na naxkinum kargin mard er.arje hanun foxi moranal,vor kan srbutyunner,vor bolors sovorakan mahkanacuner enq?inq@ petq e ama4i,vor ir hoxum srjum e tiknapahnerov....
20. Baron00:38 - 12 հունվարի, 2012
Հարգելի Սասուն, եթե ուշադիր կարդացել եք իմ մեկնաբանությունը, ապա պետք է տեսնեիք, որ խոսում եմ բուն թեմայից, ի տարբերություն շատ-շատերի: Բայց չեմ զլանա կրկին արտահայտել իմ տեսակետը: Ամեն ինչ սկսվեց կառավարության կողմից ապրիլ ամսին ընդունված 627-Ն որոշումից, որով Սյունիքի մարզի վեց գյուղերի, այդ թվում նաև Քաջարանի հողերի որոշ մասը ճանաչվեց հանրային գերակա շահ: Կարծում եմ իմ հետ համաձայն կլինեք, որ խնդիրը այս որոշումն է: Հիմա անդրադարնանք Ռաֆիկ Աթայան գյուղապետին: Որոշումը ընդունվեց ապրիլին, բայց չգիտես ինչու գյուղապետը այդ մասին հիշում է վեց ամիս անց: Հարց է առաջանում` ուր էր գյուղապետը այդ ընթացքում: Անհրաժեշտության դեպքում ինքս կպատասխանեմ այդ հարցին, բայց կցանկանայի, որ դա աներ գյուղապետը: Հաջորդ հարցը, որ առաջանում է` կառավարությունը ընդունել է որոշում, որից դժգոհ են, բայց ընդունողների դեմ պայքարելու փոխարեն հարգարժան գյուղապետը իր ասած պատերազմն է սկսել կոմբինատի դեմ: Այն ժամանակ, երբ Սյունիքում իսկական պատերազմ էր իսկական թշնամու դեմ, որտեղ էր գյուղապետը? Սկզբի համար այսքանը, իսկ Ռաֆիկ Աթայանին կառաջարկեի, եթե անձնական խնդիրներ ունեք կոմբինատի ղեկավարության հետ, դա լուծեք այլ հարթության մեջ, թե չէ Ձեր պահվածքը նմանվում է պաշտոնի չարաշահման: Հ.Գ. Նրանց. ովքեր կփորցեն անձնական վիրավորանքների տոնով խոսել իմ հետ, զգույշ եղեք, կրակի հետ եք խաղում:
21. Աղ Միրզախանյան00:42 - 12 հունվարի, 2012
Քաջարանում ազնիվ մարդկանց և գողերի ու երկիրը շահագործողների միջև պայքար է գնում: Աթայանի հոդվածի մեջ ասված է ամեն ինչ հստակ: Այս առաջին օրինակը չէ: Օլիգարխները պետական կաշառակեր չինովնիկները, ազգային ժողովի չարչի առևտրական դեպոիտատները Հայստանը դարձրել են իրենց հոր բոստանը: Օրենք չկա, ինչու թափանցիկ չեն հայտարարում օտարերկրյա ֆիրմանների հետ ստորագրած պայմանագիրը: Պղնձի մեկ կիլոգրամը լոնդոնի բորսային արժեքներով 7 հազար դոլար է, որքանով է ծախվում Քաջարանի թալանված հումքը: Ի՞նչ պայմաններում են աշխատում հանքագործները և համեմատած գերմանիայի հանքագործների հետ քանի անգամ քիչ են ստանում... Բառի բուն իմաստով աֆրիկյան մակարդակի գաղութատիրություն ու շահագործում է կատարվում:
22. Ա. Միրզախանյան, Ստոքհոլմ00:54 - 12 հունվարի, 2012
Ի սեր Մաշտոցի գրեք հայերեն տառերով, այլապես բան չի հասկացվում... http://www.branah.com/armenian
23. Ա. Միրզախանյան01:32 - 12 հունվարի, 2012
Ճշտում (21): պետք է լինի՝ Պղնձի մեկ կիլոգրամը Լոնդոնի բորսային արժեքներով 7 դոլար է...
24. DAVO12:15 - 12 հունվարի, 2012
Կարծում եմ որոշները անձնական խնդիրներ ունեն և փորձում են անձնականը դարձնել "հազարավոր մարդկանց կռիվ",
25. Վահագն20:04 - 12 հունվարի, 2012
Հարգելով բոլորի կարծիքների պլյուրալիզմը, միաժամանակ, հարգանքի արժանի մարդկանց անձերն ու նրանց կենսագործունեությունը, ես կխնդրեի ինձ կարդացողներին իմ համարձակությունը չհամարել անտեղի ու պարսավանքի արժանի, թերևս նույնը կակնկալեմ նաև այն օպոնենտներից, որոնք կունենա և ունեն հակառակ կարծիքներ: Այնուամենայնիվ, ես մի շարք նկատառումների վրա որոշակի շեշտադրումներ ունեմ, որոնք կարևոր են այնքանով, որքանով, որ թեմային մոտ չկանգնած անձինք տպավորությունները ստանան իրականությանը մոտ և դրանից երբեք չշեղվող վիճակում: Հետք-ին - ես մի բանում չեմ կարողանում համաձայնվել Ձեր հետ. կոմենտների դաշտում անձնավորված վիրավորանքների գրավորության դեպքում, դրանք անհատույց, առանց բյուրոկրատական քաշքշուկների դարձվում են հանրության սեփականությունը: Ես իմ խոսքի տերն եմ ու լինելու եմ այնքան ժամանակ, քանի դեռ դուք չազատեք ինձ նման պարտավորությունից, բայց ինչպես հասկանում եմ` խոսքի ազատությունը երբևէ և երբեք չի կարող համազոր լինել խոսքի սանձարձակությանը և ամենաթողությանը: Ես միանշանակ կողմ եմ, էի ու կլինեմ ՀՀ քաղօրի 1087.1 հոդվածի գոյության փաստին: "Դաժե" կողմ եմ, որ տուգանքը, որով նախատեսում է ՀՀ քաղօրի 1087.1 հոդվածը, որոշակի դեպքերում, երբ ինֆորմացիան, տեղեկատվությունն ակնհայտ չեն համապատասխանում իրականությանը և հանրությանը չեն հրամցվում մոլորության կամ որևէ այլ շփոթեցուցիչ հանգամանքների ճնշման ներքո , պետք է պատժվի խստագույնս ձևով, համենայն դեպս, իրավախախտը պետք է ընկալի ու նախապես մինչև բանավոր կամ գրավոր խոսքի առարկայացումը սերտած լինի, որ լեզվի անհիմն "սայթաքումների" դեպքում կրելու է անշահավետ իրավական հետևանքներ: Անընդհատ կրկնելու եմ ու ցավով պետք է նշեմ, որ որոշակի անձինք մեր քաղաքացիական հասարակությունում չեն կարողանում սերտել, որ ուրիշ ազատությանը ոտնձգությունը անընդունելի երևույթ է: Ես դա հասկանալով ընդգծել եմ ու կրկնում եմ, որ մեկի ազատության սահմանը սկսում և ավարտվում է այնտեղ, որտեղ սկսվում է մյուսի ազատության սահմանը: Եթե հոդվածի առաքելությունն է հանրորեն քննարկել առկա վիճակի դրական կամ բացասական կողմերը, դա որևէ անձի իրավունք չի տալիս, երբևէ առանց փաստերի և ինֆորմացիայի ստուգման, սեփական կարծիքը հրամցնել այլ անորոշ թվով անձանց որպես իրականություն, այնպես ինչպես անում են որոշակի անձինք: Ես առողջ քննարկում չեմ տեսնում, ես կարծիքների բախում չեմ տեսնում այս հոդվածի մեկնաբանությունների դաշտում: Ավելին, ես տեսնում եմ ատելություն, որն ուղղվում է կոնկրետ անձանց, չի բացառվում նաև ինձ այսուհետ: Իսկ ատելության որևէ դրսևորման պրոպագանդան ավելի քան գայթակղիչ է, քան դրականորեն արտահայտիչ մտքերը: Մենք հաճույքով 02-ի խրոնիկան կլանված ու համակ ուշադրությամբ ենք նայում, քան մշակույթին նվիրված որևէ միջոցառում: Մեկին գովելուց, երբ ասում ես ուղղակիորեն, որ նա լավն է, այն նույն էֆֆեկտը չի գործում, որքան, որ ասվում է, որ նա վատը չէ: Այստեղ խոսքի շաղակրատումը /խոսքը բոլորին չի վերաբերում/ ինքնին ցույց է տալիս` ով ինչ իրենից ներկայացնում: Հիմա ըստ էության: Հետաքրքիր է, որ ոչ մեկը հարց չի տալիս, թե այդ ինչպես եղավ, որ գյուղական համայնքի ղեկավարը չի փորձել օրենքով սահմանված եղանակներով ու կարգով պաշտպանել համայնքի ու իր անձնական իրավունքները: Օրենքն էր արգելում, թե նման կարգ չի սահմանում: Ինչի, էդ ոնց ստացվեց, որ գյուղական համայնքի ղեկավարը չի բողոքարկել ինչպես հանրային գերակա շահի փաստը, դրա առկա լինելու, կամ բացակայության հանգամանքը, դրա հիմնավորված լինելու կամ հիմնավորված չլինելու փաստը, վերջապես, կառավարության որոշումն ինքնին կարող էր դառնալ վիճարկման առարկա: Ինչի չարեց գյուղապետը: Չէ որ բոլոր այդ իրավունքները վերապահված են եղել ՀՀ օրենսդրությամբ: Մի քանի պատճառաբանություններ կարելի բերել այս առումով` ա/ կամ գյուղապետն արդեն իսկ քննարկել և խորհրդակցել է իրավաբան մասնագետների հետ ու ստացել բացասական կարծիք, եզրակացություն, քանի որ Կառավարության որոշումը օրինական է, հիմնված է օրենքի հիման վրա և բխում է դրանից, բ/ կամ գյուղապետը չգիտեր, որ կարելի է բողոքարկել կառավարության որոշումը կամ հանրային գերակա շահի ճանաչման փաստը, գ/ կամ էլ հասկացել է, որ վերը նշված երկու հնարավորություններն առկա է, բայց ընտրել է մի այլ տարբերակ, որով էժանագույն ձևով իրեն պատիվ է բերում ու այդ քողի տակ ինքնուստ հպարտանում քնելուց առաջ: Ես չեմ, դուք եք, մի հատ հարց չեք տալիս, թե գյուղապետն ինչով է պայքարում կառավարության որոշման դեմ կամ որ պայքարում է` արդյոք այն արդարացված է: Հա, գիտեմ, հեսա կասեք` մեկ ա, եթե գյուղապետը որոշեր դատարան դիմեր, դատարանում գիտենք, թե հարցերը ոնց են լուծվում: Նախապես որտեղից եք իմանում, սա առաջին մտահոգությունն ա, և երկրորդը, ինչու է գյուղապետի այս մասով անգործությունը թողնվել երկրոդական պլանի վրա: Ես համոզված եմ էստեղ կոմենտներ գրողներից մեծամասնություն չի կարդացել խնդրո առարկա կառավարության որոշումը: Որոշներն էլ եթե կարդացել էլ են, ապա չեն ընկալել նրանում ներառված իրավական եզրույթները, չեն կարողացել ընկալել գործադիրի կոնսոլիդացված միտքն ու ցանկությունը: Կարդացեք որոշումը ու մի գուցե սկսեք այլ կարծիքներ արտահայտել: Ավելին, գերակա հանրային շահի տակ կա մի հանգամանք ևս, որն ուղղորդել է այդ որոշման ընդունմանը` հանքարդյունաբերության ոլորտում համապատասխան ծրագրի իրականացում: Սրա մասին գոնե գիտեք, թե ընդհանրապես տեղյակ չեք?: Եթե տեղյակ չեք, տեղեկացեք, համենայն դեպս գյուղապետին տեղեկացրել են մարզային իշխանությունները: Դուք և մնացածները գիտեն թե ինչ տխրահռչակ ավարտ ունեցավ Հյուսիսային պողոտայում հանրության և պետության կարիքների համար անձանց սեփականությունների օտարման գործընթացը, որին հետևեց Եվրոպական դատարանի, և ապա մեր ՀՀ Սահմանադրական դատարանի համապատասխան դատական ակտերը: Դրան էլ համոզված եմ ծանոթ չեք: Նույնիսկ փորձ էլ չեն արել ծանոթանալու: Ինչու?: Բոլոր դեպքերում խոշոր տնտեսվարողներն արդեն ունեն սոցիալական ուղղվածություն ունեցող ծրագրերի իրականացման ռազմավարություն: Գոնե գիտեք, թե ինչ է նախատեսված այդ ուղղությամբ վերը հիշատակված ծրագրով: Չգիտեմ ինչու` համոզմունք ունեմ, որ չէ: Մինչ այդ ծրագրի կյանքի կոչումը, ես նաև հասկանում եմ, որ որոշները, նաև մի մեծ, հոծ զանգված տեղյակ չէ այստեղ փնովվող անձանց կողմից կատարված սոցիալական ուղղվածություն ունեցող գործունեությունից: Գիտեք ինչի, որովհետև նրանք գովազդ անել չեն սիրում, չեն անում նաև այն պատճառով, որ "համեստություն" բառի բովանդակությունը ընկալել են դեռևս իրենց լույս աշխարհ գալու ակունքներում ու դրանից առաջ էլ: Ես չեմ մանրամասնեցնի քննարկվող ոլորտում կոմբինատի դերակատարությունը հասարակության ներսում ունեցած դրական կողմերը: Գիտեք որքան մարդ է զբաղված աշխատանքով կոմբինատում, գիտեք, ինչպիսի ծրագրեր և ֆինանսավորումներ է արել և անում կոմբինատը, գիտեք, որ մրցունակ աշխատավարձ և պարգևատրման համակարգ է նախատեսված թիվ մեկ հարկատուի տնտեսական գործունեության դաշտում: Գիտեք, նաև, որ տվյալ տնտեսվարող սուբյեկտի ինչպես գործադիր մարմինը ներկայացնող անձինք, այնպես էլ բաժնետեր հանդիսացող իրավաբանական անձինք ինչպիսի լումա են ունեցել և ունեն մեր կյանքում: Մարդիկ "աբիժնիկ" են, որ մեկը հաջողության է հասնում սեփական ուժերով, ու սկսում են քննադատել, ու պախարակել այդ մեկին: Ես հիմա վախում եմ իմ հասարակ աշխատանքը փոխելուց, քանի որ դրանից հետո ցանկացած դրական փոփոխություն իմ կյանքում կարող է բանսարկության և բամբասանքի տեղիք տալ: Ինչի ենք մենք, այդ թվում նաև ես էլ, մեկ-մեկ կամ համարյա թե բոլոր դեպքերում այդպես վարվում: Նախանձելու մեջ մեկ ենք, փնովելու, վատաբանելու մեջ չեմպիոն: Այ էսպիսի բաներում լավ առաջխաղացում ունենք: Ես չեմ ասում, որ ցանկալի է մարդկանց տեղահանությունը, ես չեմ ցանկանում նաև գերեզեմանի տեղահանություն լինի, ընդհանրապես դեմ եմ եկեղեցի քանդելուն: Բայց դրա համար կան լուծումներ, կան ընդունելի տարբերակներ, որոնք էլ ենթակա են քննարկման: Երբ որ փակեցինք, Ալավերդին, ատոմակայանը, քիմզավոդը, նաիրիտը և այլն, ինչ արեինք հետո, սկսեցինք վերաբացել, չգիտեմ ներդրումներ փնտրել, մասնավորեցնել: Գոնե գիտեք` Կոմբնատը երբ է սեփականաշնորհվել? Ու գիտեք խի էդքան ուշ մասնավորեցվեց: Հլա հարց տվեք ինքներդ Ձեզ ու փորձեք ճիշտ պատասխանը փնտրել ու ստանալ: Փոխանակ, մտածենք, թե ինչպես անենք, որ օպտիմալ լինի լուծումը, գորդյան հանգուցի պես ենք ուզում այն լուծել: Սեփականության իրավունքը ինչքան էլ բացարձակ պաշտպանության կարոտ իրավունք է, ինչքան էլ այն տիտղոսային լինի, այն երբեք իդեալական չէ, ինչպես փիլիսոփայությունում: ՀՀ Սահմանադրությունը, այդ թվում առաջադեմ երկրների սահմանադրություններն ունեն սեփականության նման կերպ զրկելու քաղաքակիրթ ձևը: Էսօր գյուղապետը հրապարակավ հայտարարում է, թե ինքը չի հասկանում հանրային գերակա շահը` ինչ է: Կարդալու փոխարեն սրան նրան է հարցնում: Պարզ գրած է ինչպես "Հասարակության և պետության կարիքների համար սեփականության օտարման մասին" ՀՀ օրենքում, այդ թվում նաև խնդրո առարկա որոշումում, այնպես էլ ՀՀ իրավասու դատական ակտերում: Ժողովրդական, առօրյա կենցաղային խոսքում չարչրկվող դարձվածքն այն մասին, որ "լեզուն անոսկոր բան է, ինչ ուզում, ասում է" չի կարող մխիթարանք լինել կամ հանցանքին մեղմացնող հանգամանք հանդիսանալ: Բովանդակությունը թողած ընկել ենք ձևի հետևից: Սրան ա պետք ուշադրություն դարձնել:
26. Արամայիս Միրզախանյան03:23 - 13 հունվարի, 2012
Հարգելի պրն. Վահագն, Ձեր խրատական ու մեկնաբանական գրությունը կարդացի... Ասեմ, համացանցում գրելու համար որոշ կուլտուրական զարգացում ու քաղաքացիական պատասխանատվություն է պետք: Համացանցը մտքերի փոխանակման ազատ դաշտ է...դատական օրենքներն ու տույժերը հարց չեն լուծի... Մարդ պետք է կիրթ լինի: Տարբեր ազգեր իրենց տարբեր են պահում համացանցում: Հայերիս մոտ Կուլտուրան դեռ չի մշակվել... Համացանցում գրելիս մարդիկ քողարկվում են կեղծ անվան տակ և չարաշահելով այս հնարավորությունը, թույլ են տալի այն ինչ չի կարելի: Այս վարվելակերպի մեջ մի շարք գործոններ կան, օրինակ օրինակԸ վախ, թերարժեքության բարդույթ, լուտանք թափելու ու զրպարտելու ցանկություն և այլն: Նրանք ովքեր քողարկված են գրում մեկ անգամից կորցնում են իրենց խոսքի ու մտքերի արժեքի 50% -ը: Ընթերցողը նրանց լուրջ չի ընդունում... 15% -ը կորչում է հարցին անծանոթ լինելու պատճառով 15% էլ կորչում է անքաղաքավարի արտահայտությունների պատճառով, իսկ եթե հայերեն լեզվով ու տառերով չի գրում, ապա նրա գրած չկրածը նույն արժեքն ունի: Վերադառնանք Քաջարան ու Ռաֆիկ Աթայանի հոդվածին: Աթայանը ազնիվ ու շիտակ մարդ է, (նրան մոտիկից չեմ տեսել , Քաջարանի հարցին տեսականորեն ծանոթ եմ), իսկ նրանք ովքեր քողարկված նրա դեմ են գրում անազնիվ են... Ինձ քարկոծելուց առաջ քողազերծեք Ձեզ: Հարգանքներով՝ Դոկտ. Արամայիս Միրզախանյան, սփյուռքահայ ,Ստոքհոլմ
27. Արտ10:59 - 13 հունվարի, 2012
մարդու եղբայրը նստած ա մոլիբդեն գողանալու համար, ու տեսեք ոնց ա արդարացնում գողությունը ))
28. Արտ11:22 - 13 հունվարի, 2012
- Իմ եղբայրը գողություն չի արել, իր մասնաբաժին մոլիբդենից մի փոքր վերցրել է, ինքը իրեն հասանելիք փայը վերցրել է: Ինքը քաջարանցի է:
29. Վահագն12:27 - 13 հունվարի, 2012
Ես որքան գիտեմ ԶՊՄԿ-ի մոլիբդենի վերջին հափշտակման ժամանակ, այդ գողոնի զանգվածը կազմել է 10 տոննա, ընդհանուր արժողությունը ավելի քան 80.000.000 ՀՀ դրամ: Ու դա համարվում է` "իր մասնաբաժին մոլիբդենից մի փոքր վերցնել" կամ "իրեն հասանելիք փայը վերցրել": Հետաքրքրականն այն է, որ նշված "մոլիբդենից բաժին վերցնելուց" վերցնողը որևէ քրտինք, աշխատանք չի թափել դրանում, ու յուրացվել է ԶՊՄԿ-ի միջոցներով արդյունահանված, մշակված հանքանյութը ու սա համարվում է արդարացնող հանգամանք:
30. Վահագն12:51 - 13 հունվարի, 2012
Հարգելի պարոն Արամայիս Միրզախանյան, ես Ձեզ չեմ քարկոծել ու չեմ էլ ապտրաստվում անել դա: Հասկացա նաև, որ Ձեզ ընդհանրապես երևույթն է մտահոգել, այլ ոչ թե կոնկրետ փաստերը: Դուք ինքներդ արտահայտեցիք այն միտքը, որ տեսականորեն ծանոթ եք Քաջարանի հարցին: Իսկ ինչու տեսականորեն? Ինչու չի հետաքրքրում կոնկրետ փաստերն ու դրանց դրսևորումները: Ինչպես եք վերաբերվում այն հարցապնդումներին, որոնք թերևս կամաց-կամաց ի դերևս են ելնում ու շատ հանգամանքներ էլ ի հայտ կգան հետագա քննարկում-դեբատների ժամանակ: Օրինակ, արդարացի եք համարում արդյոք, հիշյալ դժգոհությունների ու կեղծ հայրենասիրության ներքո "բազար անել" փոխհատուցվելիք գումարների ավելացման ու ուռճացված թվերով գումար պոկելու կապակցությամբ? Արդարացի եք համարում նաև, որ մարդիկ լսելով ու գիտակցելով հետևանքը` հապշտապ գրանցվում են իրացման ենթակա վայրում: Դուք գտնում եք արդյոք, որ դրանք ազնիվ քայլեր են? Սրանք դեռևս մասնակի դեպքեր են: Դուք խոսում եք Ռաֆիկ Աթայանի վերաբերյալ` նրան որակելով որպես ազնիվ ու շիտակ մարդ, ընդ որում, մոտիկից չճանաչելով նրան, սակայն նույն կերպ մոտիկից չճանաչելով գյուղապետի` պայմանականորեն անվանված օպոնենտ անձանց` նույնը նրանց մասին չեք ասում չունենալով հակառակը ապացուցող ծանրակշիռ փաստեր: Ինչու է կորչում հավասարությունը, եթե այն դրա նշանը դնելու պայմանը անհրաժեշտ է շիտակ, ազնիվ ու նման այլ որակումներ կատարելուց: Ինչպես է ստացվում դա? Երբեք չհամարեք, որ սա քարկոծում է իմ կողմից: Ես ընդամենը տրամաբանությունն եմ ուզում ընկալել: Վեճի դեպքում պետք է լսել երկու կողմերի կածիքները, նրանց դիրքորոշումները, նրանց պատճառաբանությունները, ցանկություններն ու պահանջները, իրավահարաբերության բնույթն ու դրանց դրսևորման բոլոր առանձնահատկությունները և ապա կայացնել վերջնական որոշում: Սա են ինձ սովորեցրել իմ մասնագետ դասատուները, սա եմ տեսնում իմ մասնագիտական գործունեության ոլորտում և սա բացակայում է խնդրո առարկա հարցի քննարկմանը: "Հակամարտող" կողմերն են ավելի քան մոտ կանգնած իրական փաստերին, նրանք կարող են միայն ասել, թե կոնկրետ ինչ են խոսել, ինչ են պայմանավորվել, ինչում չեն համաձայնվել, ինչում են տարաձայնություններն ու այլ մանրամասները: Ես, ու մնացած անձերը, որոնք ընդամենը լսելով հակառակ շահերով օժտված անձանց արտաքուստ իրականում այդպիսին եղած լինելու մասին հնչեցվող փաստերը, իրական ենք համարում այս կամ այն մեկի խոսքն ու միտքը, մինչ դեռ դրանք զուգահեռներ չունեն իրականությանն այնքան ժամանակ, քանի դեռ անձամբ չենք մասնակցում այդ քննարկում-բանավեճին: Ես էլի եմ կրկնում, որ ցանկալի չէ տեղահանությունը, նամանավանդ` գերեզմանոցի, եկեղեցու: Բայց միշտ էլ կարելի է գտնել լուծումներ, որոնք կգոհացնեն բոլորին, այդ թվում նաև մեզ ու մյուս "հանդիսատեսներին": Մենք հիմա "կինո" ենք նայում, որի "ռեժիսորը" Ռաֆիկ Աթայանն է, որի սցենարը թեև ակնկալված, սակայն շատ վատ մշակված է` պրոֆեսիոնալիզմի պակասի հետևանքով:
31. Ա. Միրզախանյան03:19 - 14 հունվարի, 2012
Պրն. Վահագն, ազնիվ եղեք և Ձեր իսկական անունով ու տվյալներով հանդես եկեք: թող ընթերցողները դիտեն ու իրենց կարծիքը կազմեն... http://www.youtube.com/watch?v=ahObqAjJFk8&NR=1&feature=endscreen
32. Վահագն14:03 - 14 հունվարի, 2012
Պարոն Միրզախանյան, ի տարբերություն սույն կոմենտների դաշտում հանդես եկող մի քանի անձանց, ես բավականին ազնիվ եմ, ու իմ իսկական անունն է Վահագն, մասնագիտությամբ էլ իրավաբան եմ: Ընթերցողի դիտելու կամ կարծիք կազմելու խնդրում ես չեմ կարծում, որ այլ տվյալներ են անհրաժեշտ և որոնք էական են: Ես չեմ հավատում, որ եթե ես սկսեմ ինձ նկարագրել ինչպիսին է հասակս, աչքերիս գույնը կամ կոշիկներիս "ռազմերը", պետք է ազդի ընթերցողի կողմից կարծիք կազմելուն: Եթե Դուք Ձեր լուսանկարը Facebook -ի սոցցանցում առկա է և դրա ներքո եք հանդես գալիս, ևս չի ազդում ընթերցողի կարծիքի ձևավորման գործընթացի վրա: Ընդամենը Ձեր անձն է ու ազդեցիկ գործունեությունն է, որ կարևորվում է, սակայն մի բան չի կարևորվում` ինֆորմացիայի ստույգությունն ու իրավիճակի ճիշտ ներկայացումը:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված