Շաբաթ, 14 դեկտեմբերի

Ցուցարարները փակել են ոստիկանության Շենգավիթի բաժին տանող ճանապարհները (թարմացվող)




Ցուցարարները փակել են ոստիկանության Շենգավիթի բաժին տանող ճանապարհները, որտեղ, ըստ նախնական տեղեկությունների, տեղափոխվել են ԱԺ պատգամավորներ Նիկոլ Փաշինյանը, Արարատ Միրզոյանը և Սասուն Միքայելյանը:

Վարորդներն իջնում են մեքենաներից, թողնում դրանք փողոցում և հեռանում: Ոստիկանությունը փորձում է հեռացնել այդ մեքենաները, որպեսզի ճանապարհը բացվի:

Մարդիկ նորից ու նորից փորձում են փակել Գարեգին Նժդեհ փողոցը, ոստիկանությունը թույլ չի տալիս, և նրանք, ի նշան իրենց խաղաղ և անզեն լինելու, ձեռքերը բարձրացնում են վերև:

Հիշեցնենք, որ այսօր Սերժ Սարգսյանի վարչապետության դեմ ընթացող զանգվածային բողոքի ցույցերի 10-րդ օրն է: Առավոտյան կարճատև հանդիպում տեղի ունեցավ Սարգսյանի և ցույցերը ղեկավարող պատգամավոր Նիկոլ Փաշինյանի միջև, սակայն բանակցությունները ձախողվեցին: Սերժ Սարգսյանը Փաշինյանին հորդորեց չխոսել ժողովրդի անունից եւ վերադառնալ օրինականության դաշտ՝ հիշեցնելով 2008թ-ի մարտի 1-ը: Փաշինյանը կրկնեց, որ եկել է՝ քննարկելու Սերժ Սարգսյանի հրաժարականի և իշխանության խաղաղ, անցնցում փոխանցման պայմանները: Հանդիպումից մոտ մեկ ժամ անց էլ Նիկոլ Փաշինյանը, Արարատ Միրզոյանը և Սասուն Միքայելյանը ձերբակալվեցին:


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված