Կիրակի, 17 նոյեմբերի

Ցույցերին չմասնակցած քաղաքացուն բերման են ենթարկել իր ավտոմեքենայի միջից



Ռուդիկ Բալյանին հանդիպեցինք Ոստիկանության Կենտրոնի բաժնի շենքի աստիճաններին: Նա Արմավիրի մարզից է, երեկ երեկոյան` 20:00-ի սահմաններում, 3-րդ մասից բերման է ենթարկվել այս բաժին: Ռուդիկի խոսքով` ցույցերի մասնակից չէ եւ չի հասկանում, թե ինչու են բերման ենթարկել: Նստած է եղել իր ավտոմեքենայում, որի միջից էլ բերման են ենթարկել: Ենթադրում է, որ պատճառն իր գրպանում եղած դեմքի բժշկական դիմակն է:

Բալյանը ոստիկանությունում մնացել է 2 ժամ: Նրանից առգրավել են հեռախոսը, ակնոցը, դեմքի բժշկական դիմակը եւ եղունգի կտրիչ: Իր խոսքով` ներգրավված է որպես կասկածյալ զանգվածային անկարգություններին վերաբերող գործում, ոստիկանությունում այլ մանրամասներ չեն հաղորդել, ոչ էլ պարզաբանել են իր իրավունքները: Բաց են թողել 22:00-ին` «ինչ-որ թղթի տակ ստորագրելուց հետո»:   

Ռուդիկ Բալյանի փաստաբան Լիանա Մանուսաջյանը փոխանցեց, որ զբաղվում է նրա գործով, տեղեկացել է, որ Ռուդիկը կասկածյալի կարգավիճակ ունի: Գործը քննող քննիչ Երանյանն այսօր տեղում չի եղել, ուստի վաղը կգնան ոստիկանության կենտրոնական բաժին` պարզաբանումներ ստանալու։ Քաղաքացու առգրավված իրերը նրան չեն վերադարձվել, եւ որևէ փաստաթղթի օրինակ չի տրամադրվել:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված