Երեքշաբթի, 12 նոյեմբերի

Նուբարաշենում շուրջօրյա ջրամատակարարում է, «Նուբարաշեն» ՔԿՀ-ում՝ ոչ



Հատկապես ամռան ամիսներին Հայաստանի գերբնակեցված «Նուբարաշեն» ՔԿՀ-ում, որտեղ ազատազրկվածների թիվը այս տարվա մայիսի 1-ի դրությամբ 1496-ն է, ջրի պակասն առանձնակի է զգացվում:

Ջրամատակարարման վերաբերյալ բողոքներ ենք ստացել ամենածանրաբեռնված «Նուբարաշեն» ՔԿՀ-ից: Կալանավորներն ու դատապարտյալները մեզ փոխանցել են՝ ջուրը տարիներով ժամով են տալիս, առավոտյան և երեկոյան 2-ական ժամ են տալիս:

Սա այն դեպքում, երբ Նուբարաշեն վարչական շրջանում ջրամատակարարումն արդեն տարիներ ի վեր շուրջօրյա է:

«Վիոլիա-Ջուր» ընկերության հանրային կապերի պատասխանատու Մուրադ Սարգսյանը մեզ հետ զրույցում ասաց, որ «Նուբարաշեն» ՔԿՀ-ն հանդիսանում է իրենց բաժանորդը. «ՔԿՀ-ն ջուր է ստանում «Գառնի-Երևան» ջրատարից, ներքին ցանց ասվածը չունի, ուղղակի միացված է ջրատարին, ճնշումը բավարար է, ունեն շուրջօրյա ջուր՝ լավ որակով, բոլորին հայտնի է Գառնու ջրի որակը»:

Թե որքան ժամանակ է շուրջօրյա ջուր մատակարարվում Նուբարաշենում հարցին, Մուրադ Սարգսյանը պատասխանեց՝ տարիներ շարունակ:

ՔԿ վարչությունից մեր հարցմանն էլ պատասխանեցին, որ ջրի հնամաշ խողովակների մի մասը վերանորոգելու անհրաժեշտությամբ պայմանավորված՝ ներկայումս ջրամատակարարումը շուրջօրյա չէ:

Նշենք, որ «Նուբարաշեն» ՔԿՀ-ի անբավարար պայմանների հարցը բարձրացրել է նաև Խոշտանգումների կանխարգելման կոմիտեն Հայաստանի վերաբերյալ 2016թ.-ի զեկույցում՝ անդրադառնալով առաջին հարկի խոնավությանը, անբավարար օդափոխությանը և լուսավորությանը, մշտական ջրամատակարարման բացակայությանը, մի շարք խցերում սանհանգույցներն ամբողջությամբ առանձնացված չլինելուն:

 


Գլխավոր էջ



Մեկնաբանություններ (2)
1. Екатерина Азёма17:12 - 21 հունիսի, 2017
Спасибо за поднятую тему! Отсутствие постоянного водоснабжения ведет антисанитарии и, значит, к инфекциям. Хочу так же обратить внимание журналистов на отсутствие регулярных прогулок в УИУ Нубарашен. Как видно на фото, часть внутреннего двора, где проходят прогулки, в прошлом году накрыли пластиковой крышей. Теперь в Армении, 300 дней в году светит солнце, заключенным приходится гулять в парнике. Пластик не пропускает ультрафиолет, необходимый для выработки витамина Д. Но даже такая "полезная" прогулка проходит всего пару раз в месяц.
2. Левон19:10 - 21 հունիսի, 2017
Кроме воды там из санитарии вообще нет ничего. Нет вентиляции, дерьмо течет по стенам и потолкам. Крысы и тараканы борются за выживание с людьми наравне.. Комиссии ЕС неоднократно в отчетах про это писали, но ничего не меняется.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված