ՈՒրբաթ, 18 հոկտեմբերի

Էջմիածնի 14/7 ընտրատեղամասում մինչև 18։00-ն կտրոնները չեն կնքվել (տեսանյութ)



Էջմիածնի 14/7 ընտրատեղամասում մինևչ ժամը 18։00-ն ընտրողների կտրոններն առանց կնքվելու նետվել են քվեատուփ։

Այս մասին հայտարարեց ընտրողներից մեկը' «ՕՐՕ» դաշինքի մարզային շտաբի պետ Սուսաննա Հարությունյանը։ Նա պահանջեց կնքել իր թերթիկը, ինչից հետո բանավեճ սկսվեց իր և հանձնաժողովի նախագահ Ալվարդ Միրզոյանի հետ, ով մերժում էր կնքել՝ պատճառաբանելով, թե իրենց ասել են, որ պետք չէ։ Միայն ահազանգից հետո կտրոնները սկսեցին կնքվել։

Սուսաննա Հարությունյանը հատուկ կարծիք գրեց մատյանում՝ պահանջելով անվավեր ճանաչել մինչև այդ պահը նետված կտրոնները։

«Ես այս տեղամասի ընտրող եմ, պատահաբար տեսա, որ կտրոնները չեն կնքվում մինչև այս ժամը,- «Հետքի» հետ զրույցում նշեց Ս․ Հարությունյանը,- ես ընդամենը ուզեցի բացատրել, որ կա «Ընտրական օրենսգիրք», որը պահանջում է անպայման կնքել»։

Նա նաև նշեց, որ «ՕՐՕ»-ի՝ այս տեղամասի վստահված անձանցից իրեն հայտնել են, որ Հանրապետական կուսակցությունից 4 վստահված անձ է եղել, դիմել է հանձնաժողովի նախագահին, սակայն վերջինս միայն կրկին բղավել է։

«Թե ինչու մինչև հիմա այդքան մեծ գումարներ, որ ծախսվում է պետության կողմից ուսուցանելու վրա, հանձնաժողովում օրենսգրքից հեռու մարդիկ են՝ և´ նախագահը, և´ անդամները»,-ասաց Հարությունյանը։

Հանձնաժողովի նախագահ Ա․ Միրզոյանը հրաժարվեց որևէ մեկնաբանություն տալ կատարվածի վերաբերյալ։

Հիշեցնենք, որ այս դպրոցի տնօրեն Արուսյակ Մուրադյան ևս եղել է «Իրազեկ Քաղաքացի» ՀԿ-ի կողմից ներկայացված տնօրենների ցանկում, ըստ որի` 1247 հոգանոց ցուցակ է ներկայացրել Հանրապետական կուսակցության համար։ Ժամը 17։00-ի դրությամբ` քվեարկությանը մասնակցել էր 871 հոգի։

Ընտրատեղամասում օգնելու համար դիմել է 46 հոգի։ Վստահված անձինք կային մի շարք կուսակցություններից, բացի ԵԼՔ-ից և Կոմունսիստական կուսակցությունից։


Գլխավոր էջ


Տես նաև՝

ավելին



Մեկնաբանություններ (1)
1. Աչքերտ բաց20:28 - 3 ապրիլի, 2017
Էտ որ տենց ուրախ ուրախ գրել եք գոնե գիտեք թե ովա էտ տիկինը? Հավաստի աղբյուրներից՝ միերկու սռոկ քաշած ...
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված