ՈՒրբաթ, 22 նոյեմբերի

Արթուր Սարգսյանի դիահերձումն սկսվել է՝ առանց միջազգային փորձագետների ներկայության



Թեպետ այսօր Արթուր Սարգսյանի դիահերձումը հետաձգելու մասին միջնորդություն էր ներկայացվել փաստաբաններ Տիգրան Եգորյանի և Դավիթ Գյուրջյանի կողմից, այդուհանդերձ այս պահին դիահերձումը սկսված է:

Միջնորդության մերժման մասին որևէ գրավոր որոշում փաստաբանները չեն ստացել: Այս մասին մեզ տեղեկացրեց տուժողի իրավահաջորդի ներկայացուցիչ Տիգրան Եգորյանը: Նա նաև տեղեկացրեց, որ թույլ չեն տվել դիահերձման պրոցեսի տեսա և լուսանկարահանումը:

Քննչական կոմիտեի հատկապես կարևոր գործերի քննության (ՀԿԳՔ) գլխավոր վարչության պետի տեղակալ Տոնոյանը բանավոր նշել է, որ լուսանկարահանում կկատարի քննչական կոմիտեի ներկայացուցիչը, սակայն, ինչպես Տիգրան Եգորյանը տեղեկացրեց, կոմիտեի տեխնիկան սիրողական է և չի կարող ապահովել համապատասխան բարձր որակ:

Մենք խոսեցինք նաև տուժողի իրավահաջորդ ճանաչված Արսեն Սարգսյանի՝ Արթուրի եղբոր հետ, ով նշեց, որ գրավոր իր բողոքն է հայտնել դիահերձմանը միջազգային փորձագետներ չհրավիրելու, նրանց մասնակցությունը ապահովելու կապակցությամբ դիահերձումը չհետաձգելու վերաբերյալ: Արսենը չի մասնակցել դիահերձմանը, որին այս պահին ներկա է նրա ներկայացուցիչ Տիգրան Եգորյանը:

Հիշեցնենք, որ քննչական կոմիտեն բավարարել էր Արթուր Սարգսյանի դիակի դատաբժշկական փորձաքննությանը միջազգային անկախ փորձագետներ հրավիրելու` Արսեն Սարգսյանի և նրա ներկայացուցիչների միջնորդությունը:

Ավելին, Քննչական կոմիտեի՝ երեկ տարածած մամուլի հաղորդագրության մեջ նշված է. «Ներկայումս քննարկվում է տուժողի իրավահաջորդների ներկայացուցիչների վկայակոչած միջազգային փորձագետներին՝ փորձաքննության կատարմանը մասնակից դարձնելու հարցը»։ 


Գլխավոր էջ



Մեկնաբանություններ (2)
1. Հասմիկ Ա. Ա.23:09 - 18 մարտի, 2017
Չգիտեմ ինչու' թվում է, թե մարդասպաններն այս անգամ էլ անպատիժ կմնան: Համենայն դեպս' մոտակա ժամանակներում:
2. ՀԱՅՈՒՀԻ00:22 - 24 մարտի, 2017
Մեծն արդարադատ Արփինե Հովհաննիսյան, Սողոմոն Քոչարյան, Հաց Բերողը.... էլի՞ քանի հոգու մահ ես ծանրացնելու քո անխիղճ խղճի վրա....
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված