Երեքշաբթի, 19 նոյեմբերի

«Ազատություն Հաց բերողին». կոչեր Գլխավոր դատախազության դիմաց



Քաղբանտարկյալ Շանթ Հարությունյանի որդին՝ Շահեն Հարությունյանը «Ֆեյսբուք» սոցիալական ցանցի միջոցով ակցիա էր կազմակերպել՝ «շտապ հավաք»՝ «Հաց բերողի» կյանքի ու Ազատության համար:

«Մենք (ես և ընկերներս) դուրս ենք գալու փողոց և պահանջենք Հաց Բերողի խափանման միջոցի փոփոխումը»,- գրել էր նա իրադարձության էջում:

«Ազատության» հրապարակում հավաքված մարդիկ «Ազատություն Հաց բերողին», «Ազատություն քաղբանտարկյալներին» կոչերով երթով շարժվեցին դեպի Գլխավոր դատախազություն:

Գլխավոր դատախազության շենքից դուրս եկած պաշտոնյայից ակցիայի մասնակիցները պահանջում էին պարզաբանում, թե ինչու է կալանավորված Արթուր Սարգսյանը:

Երթի մասնակիցների մի մասը ցանկանում էր գնալ նաև «Դատապարտյալների հիվանդանոց», մյուս մասը կողմնակից էր ակցիան վաղը նորից շարունակելուն:

Շահեն Հարությունյանն ասաց, որ իր համար այս պահին գերակա է Արթուր Սարգսյանի կյանքը, ոչ թե նրան ոգևորելը. «Մեր ձայները նրան չեն հասնելու, քիչ ենք, իսկ հիվանդանոցի մոտ մեզանից քչերն են հասնելու»,- ասաց Շահեն Հարությունյանը՝ առաջարկելով վաղը շատանալ ու ժամը 18:00-ին կրկին հավաքվել Ազատության հրապարակում և գնալ «Դատապարտյալների հիվանդանոց»:

Ինքը՝ Շահեն Հարությունյանն իր ընկերների հետ, ասաց, որ նստացույց է սկսում Ազատության հրապարակում:


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված