Երկուշաբթի, 09 դեկտեմբերի

«Հաց բերողին» տեղափոխում են Հատուկ քննչական ծառայություն



ՊՊԾ գնդի գրավման օրերին զինված խմբին սնունդ մատակարարած Արթուր Սարգսյանին, որը ձերբակալվել էր օգոստոսի սկզբին և ազատ արձակվել տարեվերջին, տեղափոխում են Հատուկ քննչական ծառայություն: Այս մասին «Հետք»-ի հետ հեռախոսազրույցում ասաց Արթուրի եղբայրը` Արսեն Սարգսյանը:

Արսենի խոսքով` Արարատի մարզի Բյուրավան գյուղի իրենց բնակարան են այցելել Ոստիկանության կազմակերպված հանցավորության դեմ պայքարի գլխավոր վարչության  9 աշխատակիցներ, որոնցից մեկն է համազգեստով եղել: «Հաց բերող» անունով հայտնի Արթուր Սարգսյանը նույնպես կարողացել է զրուցել «Հետք»-ի լրագրողի հետ և ասել, որ իրեն ձերբակալում են: Եղբայրը, սակայն, տեղեկացրել է, որ Արթուրին տեղափոխել են առանց ձեռնաշղթաների:

Արթուր Սարգսյանի փաստաբանը` Տիգրան Եգորյանը, մեզ հետ զրույցում ասաց, որ չի կարող ասել` իր պաշտպանյալին ձերբակալել են, թե բերման ենթարկել: Նա տեղեկացրեց, որ գնում է Հատուկ քննչական ծառայություն, որից հետո կկարողանա մանրամասներ հաղորդել:

Արսեն Սարգսյանը նշեց նաև, որ մի քանի օր առաջ նույնպես գյուղ են այցելել ոստիկաններ, որոնք ներկայացել են որպես թաղայիններ և հարցուփորձ արել Արթուր Սարգսյանի մասին:

Դեպքի մասին հավելյալ տեղեկություններ կհաղորդենք ավելի ուշ:


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված