ՈՒրբաթ, 22 նոյեմբերի

Անդրիաս Ղուկասյան. «Բարձրագույն պաշտոնյաները մտել են ընդհատակ»



«Ոտքի Հայաստան» քաղաքացիական նախաձեռնությունից Անդրիաս Ղուկասյանը գտնում է, որ Սերժ Սարգսյանը պետք է գա ու քաղաքացիների հետ բաց խոսի կուտակված խնդիրների շուրջ:

Ղուկասյանը մեզ հետ զրույցում զարմանք հայտնեց, որ այս օրերի ընթացքում Սերժ Սարգսյանը չի գումարել Անվտանգության խորհրդի նիստ, չի ստեղծել իրավիճակը կարգավորելու օպերատիվ շտաբ:

«Բարձրագույն պաշտոնյաները մտել են ընդհատակ: Պետության միակ պաշտոնական ներկայացուցիչը, որն այսօր շփվում է ժողովրդի հետ, ոստիկանության ծառայողն է, որի գործողությունները ոչ մի բանով սահմանափակված չեն: Այս պահին երաշխավորված չեն մարդու կյանքի, ազատության, արժանապատվության անձեռնմխելիության իրավունքները: Սերժ Սարգսյանը պաշտոնը ստանձնելիս երդվել է հարգել մարդու իրավունքները, և նա պարտադրված է հիմա լինել այստեղ ու քաղաքացիներին բացատրություններ տալ, թե ինչ է կատարվում մեր երկրոմ, ինչու հասանք այս օրին, ինչու է երկիրը կանգնած ներքին բախման առաջ: Նա պիտի տա բացատրություն, թե ինչու չի ապահովում Սահմանադրությամբ երաշխավորված մարդու իրավունքների իրագործումը, ինչպես ստացվեց, որ ոստիկանությունն ինչ ուզում, անում է»,- «Հետք»-ին ասաց Անդրիաս Ղուկասյանը: 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված