ՈՒրբաթ, 22 նոյեմբերի

Ժիրայր Սեֆիլյանին արգելել են տեսակցել կնոջը



Այսօր Նանոր Սեֆիլյանին արգելել են տեսնել ամուսնուն` Ժիրայր Սեֆիլյանին: Այս մասին քիչ առաջ «Հետք»-ին հայտնեցին «Նոր Հայաստան» շարժումից: 

«Հետքը» զրուցեց Նանոր Սեֆիլյանի հետ: «Երեկ Ժիրայրի փաստաբան Տիգրան Հայրապետյանն ասաց, որ, ճիշտ է, արգելանք է դրվել Ժիրայրի տեսակցությունների վրա, բայց ընտանիքի անդամների հետ կարող է հանդիպել: Ես էլ գնացի «Վարդաշեն», բայց ասացին, որ չեմ կարող տեսնել ամուսնուս»,-պատմեց Նանոր Սեֆիլյանը` նշելով, որ մինչ այդ ամսական երկու անգամ մեկժամյա տեսակցություն է ունեցել ամուսնու հետ: Նա նշեց, որ հինգշաբթի օրվանից չի կարողացել նաև հեռախոսով խոսել ամուսնու հետ. «Կարծում եմ` արգելանք կա նաև հեռախոսազանգերի վրա: Ամեն ինչ անում են, որ ինֆորմացիոն բլոկադայի մեջ պահեն Ժիրայրին»: 

Նանոր Սեֆիլյանը պատմեց նաեւ, որ այսօր «Վարդաշեն» ՔԿՀ-ի դիմաց ավտոմատավոր աշխատակիցներ է տեսել: «Բերդի դրսի դռները միշտ բաց էին լինում, բայց այսօր փակ էին, երկու ավտոմատավորներ էլ կանգնած էին դիմացը»,-ասաց Նանոր Սեֆիլյանը:

Նշենք, որ Ժիրայր Սեֆիլյանի տեսակցությունների արգելքը սահմանվել է ՀԿԳ ավագ քննիչ Ամրամ Մագինյանի որոշմամբ:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված