Հինգշաբթի, 21 նոյեմբերի

Մոնղոլիայից տեղափոխված ընտանիքի երեխաների հայրությունը ճանաչվեց դատարանի կողմից



Երեկ Գեղարքունիքի մարզի ընդհանուր իրավասության դատարանը՝ դատավոր Սերոբ Մանուկյանի նախագահությամբ, որոշում է կայացրել բավարարել 4 տարի առաջ Մոնղոլիայից ընտանիքով Հայաստան տեղափոխված Հրահատ Երիցյանի ու Բայանդոլգոր  Օյունչիմեգի (Բայինա) երեխաների՝ Վարսենիկի ու Արշակի հայրության ճանաչման հայցը:

Այսուհետ 11-ամյա Վարսենիկն ու 10-ամյա Արշակն իրենց անվան կողքին կգրեն Երիցյան ազգանունը, այսինքն՝ կկրեն իրենց հոր ազգանունը: Փաստաբան Հունան Տեր-Վարդանյանը «Հետքին» փոխանցեց, որ վճիռը մեկամսյա ժամկետում ուժի մեջ մտնելուց հետո կդիմի համապատասխան պետական մարմին երեխաներին Հայաստանի Հանրապետության քաղաքացիության տրամադրման հարցով:   

Դատարանի վճռում նշված է. «Բայանդոլգոր Օյունչիմեգը և Հրահատ Երիցյանը հարևանների և այլ անձանց մոտ հանդես են եկել որպես ամուսիններ, միասին դաստիարակել և խնամել են երեխաներին, իսկ Հրահատ Արմենակի Երիցյանն իր բոլոր գործողություններով` հարևանների մոտ, դպրոցում և բուժհաստատությունում բացահայտ ներկայացել է որպես Վարսիկ և Արշակ Բայանդոլգորների հայր, կատարել է այնպիսի գործողություններ, որոնք հիմք են տալիս արձանագրելու, որ Հրահատ Արմենակի Երիցյանը փաստացի Վարսիկ և Արշակ Բայանդոլգորների նկատմամբ ճանաչել է հայրություն»:

Հիշեցնենք, որ «Հետքի» «Մոնղոլիայից Անտառամեջ. Հայաստանի քաղաքացի դառնալու դժվարին ճանապարհը» հրապարակումից հետո փաստաբանների կողմից ուսումնասիրվել էր վերը նշված հարցը: Փաստաբան Հունան Տեր-Վարդանյանը հայցադիմում էր ներկայացրել Գեղարքունիքի մարզի ընդհանուր իրավասության դատարան՝ Հրահատ Երիցյանի հետ Վարսենիկի ու Արշակի ազգակցական կապի հաստատման պահանջով:


Գլխավոր էջ

Տպել    |  In English


Տես նաև՝

ավելին



Մեկնաբանություններ (3)
1. Վանիկ22:20 - 4 նոյեմբերի, 2015
Առաջին տողում ճշտեք. ԳեղաՐքունիքի
2. Robb02:21 - 6 նոյեմբերի, 2015
Wonderful news... This family has captured our hearts. God bless them and the folks in their village that have embraced them.
3. Արամ23:55 - 6 նոյեմբերի, 2015
Շատ ապրի Հետքը, մարդիկ իրանց դարդն ու ցավը թողած խեղճերի պրոբլեմներով են ապրում:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված