Չորեքշաբթի, 16 հոկտեմբերի

Էջմիածնում ջրամատակարարումն ամբողջովին կկարգավորվի սեպտեմբերի վերջին



Էջմիածին քաղաքի Պետրոզավոդսկ փողոցի մի խումբ բնակիչներ դիմել էին «Հետք» թերթի խմբագրություն։ Նրանք նշում են, որ քաղաքում ջրագծերի վերանորոգումից հետո (որը սկսվել է մոտ երկու ամիս առաջ և տարբեր հատվածներում մինչ օրս էլ շարունակվում է ) շուրջօրյա ջրամատակարարում ունեցող իրենց փողոցում ջրի հոսքը դարձել է անկանոն. ցերեկվա ժամերին թույլ է, իսկ երեկոյան՝ ժամերին խմելու ջուր ընդհանրապես չի լինում։ 

Պետրոզավոդսկ փողոցը ներառված է 24-ժամյա ջրամատակարարում ունեցող փողոցների ցանկում։
«Հայջրմուղկոյուղի» ՓԲԸ-ի տեխնիկակական հարցերով տնօրեն Կամո Աղաբաբյանը մեզ հետ զրույցում նշեց, որ բնակիչների այսպիսի բողոքը տեղին է, սակայն թաղամասեր կան, որտեղ ջրամատակարարումն ավելի վատ է․ 

«Էջմիածնի հյուսիսային մասում մեծ ճահիճ  է առաջացել, որը մենք լավ ուսումնասիրել ենք և հիմա նախատեսում ենք դա ծրագրով իրականացնել․ խողովակը շրջանցել, նորից վերականգնել  Պետրոզավոդսկ փողոցի 24 -ժամյա ջրամատակարումը»,-ասաց Կամո Աղաբաբյանը։

Ջրագծերի վերանորոգման ներդրումային ծրագիրն իրականացնում է  Համաշխարհային բանկը։ Կամո Աղաբաբյանի խոսքով՝ ջրագծերի կարգավորման և ջրամատակարարման ծրագիրն ամբողջովին կավարտվի մոտ 3 ամսից։ «Պետրոզավոդսկ թաղամասի բնակիչները շուրջօրյա ջրով կապահովեն մոտ երկու ամսից, իսկ Էջմիածնի և շրջակա գյուղերի ջրի խնդիրն ամբողջովին կկարգավորվի սեպտեմբերի վերջին»,-նշեց Կ․ Աղաբաբյանը։

Վերջինս նաև հավաստիացրեց, որ ծրագրի իրականացումից հետո իրավիճակը կլավանա։


Գլխավոր էջ

Տպել    |  In English



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված