Կիրակի, 08 դեկտեմբերի

«Ջավախքը կդառնա ԼՂՀ, բայց ոչ Նախիջևան»



«Ես առաջարկում եմ սփյուռքի մեր բոլոր գործընկերներին ու սփյուռքի մամուլի ներկայաչուցիչներին, ովքեր որ այստեղ են, տարածել հետևյալ գաղփարը, որպեսզի սփյուռքը օգնի Ջավախքին, և այդ օգնությունն ավելի ճիշտ, ավելի էֆեկտիվ կլինի, քանի որ չի ստացվի, թե Հայստանը  ինչ-որ նկրտումներ ունի Ջավախքի նկատմամբ»։ Այսպիսի առաջարկով հանդես եկավ Իսպանիայում լույս տեսնող «Հայրենիք» շաբաթաթերթի հիմնադիր ու գլխավոր խմբագիր Արթուր Ղուկասյանը ԼՂՀ-ում հոկտեմբերի 12-ից 16-ը ԼՂՀ ում տեղի ունեցած հայ լրագրողների 5-րդ համաժողովին։ Նա արձագանքեց Ջավախքից համաժողովի երկրորդ օրը զեկույցով հանդես եկող Ախալքալաքի «ATV-12» հեռուստաընկերության լրագրող Մյասնիկ Խրիմյանի զեկուցմանը, որտեղ լրագրողը կարճ ներկայացրեց Ջավախքում լրագրողի անվտանգության ու լրատվության խնդիրները։ Զեկույցը լայն արձագանք գտավ հատկապես սփյուռքի ու Արցախի լրագրողների շրջանում: «Մենք պարբերաբար անդրադառնում ենք սփյուռքի բոլոր գաղթօջախների կյանքին ու գործունեությանը: Վերջին վրացական նկրտումները` հայաթափել Ջավախքը և վերածել Նախիջևանի, ևս արծարծվում է մեր շաբաթաթերթի էջերում: Մենք անընդհատ հետևում ենք հայկական լրատվամիջոցների տարածած տեղեկություններին, ըստ որոնց, մի բան ակնհայտ է. իրոք, ջավախքահայության խոսքն եմ ասում, Ջավախքը երբեք Նախիջևան չի դառնա, կդառնա ԼՂՀ, բայց ոչ Նախիջևան» - ասաց «Հայրենիք» շաբաթաթերթի խմբագիրը: Միաժամանակ ավելացրեց, որ պետք է թոթափել «Հայաստանի օգնությունը Ջավախքին» մտածելակերպը, քանի որ դա տեղափոխվում է մի քիչ  քաղաքական դաշտ, ինչը Վրաստանին դուր չի գալիս: Ըստ Արթուր Ղուկասյանի` անհրաժեշտ է երկու հարևան երկրների միջև ստեղծել բարիդրացիական ջերմ մթնոլորտ: «Ասում են՝ մեր հարաբերությունները Վրաստանի ու Հայաստանի հետ արտակարգ են և այլն: Դա պարզ է, որ ստում են, կարող են ստել նաև ՀՀ իշխանավորները, որովհետև հիմա քաղաքական իրավիճակը  դա է ապացուցում, որ պետք է այդպես վարվեն, որովհետև մենք չորս ճակատով չենք կարող մարտնչել: Բայց մենք կարող ենք սիրելով հաղթել մեր թշնամիներին: Եվ այստեղ քաղաքական դաշտը կտեղափոխվի մշակութային ոլորտ: Պետք է ստեղծել իսկական բարեկամական մթնոլորտ հայերի ու վրացիների միջև, որը կօգտագործենք մենք: Այսպես ասած՝ մենք մի քիչ պետք է «աֆերիստ»  լինենք, ինչպես մեր հակառակորդները, քաղաքականությունը 21-րդ դարում դա է պահանջում», - ավելացրեց խմբագիրը մեզ հետ զրույցում: Աղունիկ Այվազյան

Գլխավոր էջ

Տպել    |  In English


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված