ՈՒրբաթ, 22 նոյեմբերի

«Ադրբեջանը Հայաստանի նկատմամբ վարում է «սալյամիի» քաղաքականություն»



«Սարդարապատ» շարժման նախաձեռնող խմբի անդամ Հայկ Բալանյանն այսօրվա մամուլի ասուլիսին ասաց, որ մեր իշխանությունները իրենց արդարացնելու համար ծիծաղում են Ադրբեջանի արած քայլերի վրա: Մինդեռ բանախոսի կարծիքով` «Հայաստանի հանդեպ Ադրբեջանը վարում է սալյամիի քաղաքականություն», որը ժամանակին վարում էր ԱՄՆ-ն ԽՍՀՄ-ի նկատմամբ: Սալյամին երշիկ է, որը կտրում են բարակ շերտով: «Սալյամիի» քաղաքականության տրամաբանությունն այն է, որ տարիների ընթացքում փոքր-փոքր քայլեր ես անում, և թվում է, թե արածդ քայլերը` «կտրածդ երշիկը», աննշան է, բայց 10 տարվա ընթացքում վիթխարի բան է ստացվում: «Ադրբեջանը շերտ-շերտ, կտոր-կտոր, կաթիլ առ կաթիլ, քայլ առ քայլ լուծում է խնդիրը»,- ասում է Հայկ Բալանյանը: Իսկ ՀՀ իշխանությունները չեն արձագանքւոմ այս ամենին` հակաքայլերի չեն գնում: Բանախոսը կարծում է, որ յուրաքանչյուր ուժ, երբ գալիս է իշխանության, մտածում է, որ կարևորը շատ փող կուտակելն է, իսկ «սալյամիի» կտրատված շերտերը կմնան հաջորդներին: Սա, ըստ Հայկ Բալանյանի, նշանակում է, որ իշխանությունները գողանում են մեր սերունդների ապագան: Փոխարենը պետք է լինեն հակաքայլեր` Ադրբեջանի ձեռնարկած գործոդություններին: Հայկ Բալանյանն անդրադարձավ նաև ՄԱԿ-ի ԳԱ-ին Ադրբեջանի ներկայացրած բանաձևին` նշելով, որ դրա քննարկումը հետաձգվեց ոչ թե հայկական դիվանագիտության աշխատանքի արդյունքում, այլ այն պատճառով, որ փոխարենն Ադրբեջանին ավելի լավ բան են խոստացել: Հայկ Բալանյանը չի հասկանում, թե ինչի մասին ենք մենք բանակցում, երբ այդ գործընթացը չի ապահովում հայկական դիրքերի պահպանում կամ բարելավում` դիվանագիտական, քաղաքական և այլ տեսանկյուններից: «Բանակցում են, որովհետև ներսից լեգիտիմ չեն, և եթե դրսից էլ ձեռք չբերեն այդ լեգիտությունը, շատ ծանր վիճակում կհայտնվեն: Դա սեփական իշխանությունը պահելու միջոց է»,- ասում է Հայկ Բալանյանը: Նման կարծիք ունի նաև «Սարդարապատ» շարժման նախաձեռնող խմբի մեկ այլ անդամ` Ժիրայր Սեֆիլյանը: «Մեր ամենօրյա հետընթացի պատճառով մեր երկրի արտաքին կառավարումը իր չափերի մեջ աննախադեպ է: Սա շատ մտահոգիչ է»,- ասում է նա:

Գլխավոր էջ


Տես նաև՝

    ավելին



    Մեկնաբանել
    Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

    Լատինատառ հայերենով գրված մեկնաբանությունները չեն հրապարակվի խմբագրության կողմից։

    Լրահոս

    Բոլոր նորությունները

    Արխիվ
    Ամենա

    Մեկնաբանված

    Կարդացված