ՈՒրբաթ, 22 նոյեմբերի

Գերասիմ Ալավերդյան. «Ես համարում եմ, որ այսօր հացի գինը էական չի բարձրացել»



Գյուղնախարարը հավաստիացնում է, որ ապագայում ևս հացի գնի էական բարձրացում չի լինի Պարենային ցորենի գնի բարձրացումը պայմանավորված է համաշխարհային շուկայում դրա թանկացմամբ, վերջինս էլ` եղանակային պայմաններով. երաշտի պատճառով եղավ պակաս բերք: Այս մասին այսօր` լրագրողների հետ հանդիպմանն, ասաց գյուղատնտեսության նախարար Գերասիմ Ալավերդյանը: Նա հանդիպել է Հայաստան պարենային ցորեն ներկրող մոտ 8 կազմակերպության տնօրենների հետ: Ըստ նրանց տվյալների` այսօր Հայաստանում պարենային ցորենի պաշարների պակաս չկա, տարբեր երկրներից ներկրվել են համապատասխան խմբաքանակներ: Գերասիմ Ալավերդյանը նշում է, որ այս օգոստոսին ավելի շատ ցորեն է ներկրվել Հայաստան, քան անցյալ օգոստոսին: Այս տարի Հայաստանում ակնկալվում է ստանալ 280.000 տոննա ցանքսի բերք, որից ցորենը կկազմի 120.000-130.000 տոննա: «Գինը որոշում է շուկան` առաջարակի և պահանջարկի հիման վրա: Այս կազմակերպությունները մեզ հավաստիացին, որ առաջիկայում էական բարձրացումներ չեն լինի: Եթե համեմատենք համաշխարահային շուկայի գներին, հաշվի առնենք գազի թանկացումը, այո, ես համարում եմ, որ այսօր հացի գինը էական չի բարձրացել»,- նշում է գյուղնախարարը: Նա հավաստիացնում է, որ առաջիկայում ևս հացի գինն էականորեն չի բարձրանա, քանի որ «ցորեն ներկրող կազմակերպությունների միջև առկա է մրցակցություն»: Նա ասում է, որ եթե Հայաստանը ներկրում է մի բան, որի գները դրսում բարձրանում են, ապա ինչպե՞ս կարող են Հայաստանում չբարձրանալ: Այժմ Հայաստան ցորենը ներկրվում է ավելի բարձր գնով` 80-140 դրամ: Երբ սրան էլ ավելանում են բազմաթիվ տրանսպորտային ծախսերը, ապա, գյուղնախարարի խոսքերով, ցորեն ներկրող կազմակերպությունները մի քիչ էլ վնասով են աշխատում: Բերքահավաքից առաջ ցորեն ներկրող կազմակերպությունները աշխատում են սպառել իրենց մոտ եղած խմբաքանակները, որ նոր բերքահավաքը ավելի ցածր գներով կազմակերպեն: Այսօր հողատարածքներ կան, որոնք, բացի ցորենից, այլ նպատակով չեն կարող օգտագործվել: Գյուղացիները հրաժարվում են ցորեն արտադրելուց, քանի որ այդ ճյուղը եկամտաբեր չէ: Գյուղնախարարը հավաստիացնում է, որ «Սերմնաբուծության զարգացման ծրագրի» շրջանակներում ցորենի հետ կապված բոլոր խնդիերնրը կլուծվեն:

Գլխավոր էջ

Տպել    |  In English


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված