ՈՒրբաթ, 06 դեկտեմբերի

Ոչ մի եկամուտ, բայց կուտակած միլիոնավոր դրամներ



ԱԺ ԲՀԿ-ական պատգամավոր Կարո Կարապետյանը (Յուվեցի Կարո), որպես պատգամավոր, երբեւէ աչքի չի ընկել: Նա մեկ-մեկ գալիս է ԱԺ նիստերին, առանց աղմկելու նստում է իր տեղում, իրեն հասանելիք կոճակը սեղմում ու կարճ ժամանակ հետո հեռանում է: Այսքանով ավարտվում է պատգամավորի խորհրդարանական գործունեությունը:

Ուսումնասիրելով պատգամավորի գույքի ու եկամուտների հայտարարագիրը` պարզվեց, որ նա իր ընտանիքի անդամների հետ, բավականին լուրջ կարողության տեր է:

Որպես եկամուտ` Կարո Կարապետյանը 2012թ. հայտարարագրել է միայն ԱԺ աշխատավարձը` 3 մլն 124 հազար դրամ, իսկ հաշվին եղած դրամական միջոցները կազմում են 49 մլն դրամ եւ 108 հազար դոլար:

Պատգամավորի կինը` Հասմիկ Ստեփանյանը տարվա, ընթացքում որեւէ եկամուտ չի ունեցել, սակայն նրա հաշվին եղել է 53 միլիոն դրամ եւ 100 հազար դոլար:

Պատգամավորի առանձնատունը Շահումյան գյուղում

Առանց եկամուտ ստանալու դրամական միջոցներ կուտակելու` սովորական քաղաքացուն խորթ երեւույթը առկա է նաեւ պատգամավորի որդու պարագայում: Վիլիկ Կարապետյանը, հայտարարագրելով 0 դրամ եկամուտ, իր հաշվին ունեցել է 85 միլիոն դրամ եւ 260 հազար դոլար:

Ըստ էլեկտրոնային ռեգիստրի, Վիլիկ Կարապետյանը հանդիսանում է «ՇԱՀՈՒՄՅԱՆ ՎԻՆՈ» ՍՊԸ-ի 100 % բաժնետերը:

Հիշեցնենք, որ Կարո Կարապետյանը պաշտոնական պարտականությունները ստանձնելու օրվա դրությամբ (2012թ.) ներկայացրած գույքի եւ եկամուտների հայտարարագրում նշել էր, որ ունի 2 բնակելի տուն, մեկ հողամաս, 6 մլն 460 հազար դրամի բաժնետոմս: Թեեւ շահութաբեր բաժնետոմս ունի, սակայն Կարո Կարապետյանը որպես եկամուտ ներկայացրել է միայն ԱԺ-ից ստացած աշխատավարձը՝ 3 մլն 143 հազար 440 դրամ:


Գլխավոր էջ


Տես նաև՝

ավելին



Մեկնաբանություններ (1)
1. շնորհքով հայ10:54 - 20 սեպտեմբերի, 2014
Շա՜-ատ ապրեն հարուստ ու շնորհքով հայերը, քյասիբ - քյուսուբներին էլ արագ վերացնել է պետք, կամ երկրից վռնդել: Այն ժամանակ ապահով ու բախտավոր տղեք կլինեն միայն ու երկիրն էլ կարգին երկրի կնմանվի!
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված