Կիրակի, 20 հոկտեմբերի

Միջպետական բանկն ընդդեմ «Նաիրիտի» դատը կրկին հետաձգվեց. գործարանի ներկայացուցիչը չի ներկայանում դատարան



Այսօր Մոսկվայի Արբիտրաժային դատարանում կայացավ Միջպետական բանկն ընդդեմ  «Rhinoville Property Limited» -ի («Ռայնովիլ փրոփերթի լիմիթիդ») 2-րդ դատական նիստը:  Այն սկսվեց նախատեսվածից մոտ մեկ ժամ ուշ: Ինչպես նախորդ անգամ, այս անգամ ևս պատասխանող կողմը չէր ներկայացել: Հիշեցնենք, որ նախնական նիստին պատասխանող կողմն ուղարկել էր հայցադիմումի պատասխան, որում հայտնում էր, որ տվյալ հարցի քննարկումը Մոսկվայի Արբիտրաժային դատարանի իրավասության մեջ չի մտնում, հետևաբար վերջինս չի ներկայացել:

 Գործը քննող դատավորը` Ա.Ա. Կոմարովը հարցրեց` արդյո՞ք պատասխանող կողմը համապատասխան կարգով իրազեկվել է նիստին ներկայանալու մասին, քանի որ, համաձայն ՌԴ Գերագույն Արբիտրաժային դատարանի Պլենումի բանաձևի 27-րդ կետի, եթե ներգրավված կողմերը չեն ներկայացել  նախնական դատական քննության և չեն հայտնել որևէ առարկություն գործի վարույթն իրենց բացակայության դեպքում սկսելու վերաբերյալ,  ապա դատարանն իրավունք ունի ավարտել նախնական լսումները` սկսելով գործի քննությունը Արբիտրաժային դատարանի առաջին ատյանում: Ուստի՝ այսօրվա լսման հենց սկզբում Միջպետական բանկի ներկայացուցիչ Միխայիլ Կուլիկովը դատավորին ներկայացրեց պատասխանող կողմին պատշաճ կերպով իրազեկելու մասին Հաագայի կոնվենցիային համապատասխան փաստաթուղթը:

Նա նաև չընդունեց պատասխանող կողմի առարկումն առ այն, որ Մոսկվայի Արբիտրաժային դատարանն իրավունքն չունի քննարկել տվյալ հարցը. «Զուգահեռ վարույթում, (Վերաքննիչ դատարանում),  որտեղ հայցն անմիջապես վերաբերում է «Նաիրիրտ գործարանին» Մոսկվայի Արբիտրաժային դատարանի կողմից  իրավասության նորմերը խախտելու հայցադիմումը չի ընդունվել»: Այդ պատճառով Վերաքննիչ դատարանը չի համաձայնել պատասխանող կողմի այն փաստարկին, որ գործի վարույթը ՄԱԴ-ի իրավասության տակ չէ ` ըստ ՌԴ Արբիտրաժային ընթացակարգի կոդեքսի 247 հոդվածի մի քանի կետերի: Նախ` ՌԴ-ն  «Նաիրիտի» դրամային պարտավության իրականացման վայրն է, երկրորդ`«Նաիրիտում» բաժնեմասեր ունի ՌԴ-ում գրանցված իրավաբանական անձը: Այսինքն` սեփականություն կա նաև ՌԴ տարածքում: Հետևաբար, պատասխանող կողմի բողոքն անհիմն է:

Հիշեցնենք, որ «Ռայնովիլի» բաժնետերը այժմ «Նաիրիտ գործարանն» է, և ըստ այդմ՝ վարկային պարտավորությունները նույնպես գործարանի վրա է:

Դատավորը հեռացավ որոշում կայացնելու: «Նաիրիրտ»-ի «բախտն այս անգամ էլ բերեց». նիստը հետաձգվեց մինչև հունիսի  18-ը ` ժամը 11:30:
Դատական նիստի ավարտից հետո Մ. Կուլիկովին հարցրինք, թե եթե «Նաիրիրտը», որն առանց այն էլ 2006թ.-ից  պարտքեր ուներ և 2009թ.-ին  նորից Միջպետական բանկից 86 մլն դոլար վարկ էր  խնդրում, ինչու՞  չմերժեցիք նրան այդ և հետագայում եւս 13,5 մլն դոլար  (2010թ. )  վարկ տրամադրելու դիմումը.
«Հուսով էինք, որ ամեն ինչ լավ կլինի, ֆինանսական վիճակը կբարելավվի, իսկ այժմ….սահման գոյություն ունի… Կհանդիպենք հունիսի 18-ին»:


Գլխավոր էջ



Այս թեմայով

... կարդացեք ավելին ««Նաիրիտ գործարան». հետաքննություն» թեմայով
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված