Երեքշաբթի, 12 նոյեմբերի

«Լեռնցիների պարն» այսօր վնասվել է. քաղաքապետարանն ասում է, որ մտահոգված է



2012 թ. Երևանի քաղաքապետ Տարոն Մարգարյանի հանձնարարությամբ Երևանի քաղաքապետին կից գեղարվեստի հանձնաժողովը քննարկել է քանդակագործ Տիգրան Արզումանյանի հեղինակած «Լեռնցիների պար» քանդակախումբը «Դվին» հյուրանոցի մերձակա հրապարակից այլ վայր տեղափոխելու հարցը, այն մտայնությամբ, որ տևական ժամանակ է, ինչ հյուրանոցը վերակառուցման փուլում է և հյուրանոցի հետ պարսպից ներս է մնացել նաև քանդակաշարը՝ հայտնվելով հանրության տեսադաշտից դուրս:

Քննարկումների արդյունքում հանձնաժողովի անդամները որոշել են քանդակը տեղափոխելու նախադեպ չստեղծել, մանավանդ որ «Լեռնցիների պարը» համահունչ և ներդաշնակ է հենց տվյալ տարածքին:

Նախօրեին արդեն ՀՀ կառավարությանն առընթեր պետական գույքի վարչությունը հաստատել է «Դվին» հյուրանոցի վերաբերյալ պայմանագրային փաթեթը:

Երևանի քաղաքապետարանը նախատեսում է պայմանագրի ավարտից հետո բանակցել սեփականատիրոջ հետ՝ քանդակի հատվածում պարիսպը հետ տանելու և քանդակի անվտանգությունն ապահովելու երաշխիքով՝ վերջինս տեսանելի դարձնելու շուրջ:

Երևանի քաղաքապետարանը իր մտահոգությունն է հայտնում հուշարձանի վնասվելու այսօր արձանագրված փաստի առնչությամբ:

«Հաշվի առնելով, որ «Լեռնցիների պար» քանդակախմբի պատասխանատվությունը կրում է սեփականատերը՝ քաղաքապետարանը պատրաստվում է նամակով դիմել ՀՀ կառավարությանը, որպեսզի վերջինս պարտավորեցնի սեփականատիրոջը հատուցել «Լեռնցիների պար» քանդակախմբի վերականգնման գումարները՝ ապահովելով նաև հուշարձանի անվտանգությունը»,- հայտնում է քաղաքապետարանի տեղեկատվության և հասարակայնության հետ կապերի վարչությունը:


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված