Կիրակի, 16 հունիսի

Սամվել Մայրապետյանը երկու ամսով կալանավորվեց



Գործարար Սամվել Մայրապետյանը քիչ առաջ երկու ամսով կալանավորվեց: Նշենք, որ դատարանը, նախագահությամբ դատավոր Աննա Մաթևոսյանի, հեռացել էր խորհրդակցական սենյակ՝ Մայրապետյանին կալանավորելու միջնորդության վերաբերյալ որոշում կայացնելու:

Վերջինս առավոտյան ժամը 10-ի սահմաններում բերվել էր դատարան, և այժմ նրան տեղափոխում են մեկուսարան: Մեզ հետ զրույցում Մայրապետյանի պաշտպաններից Կարեն Կիրակոսյանն ասաց, որ դեռևս տեղյակ չէ՝ որ մեկուսարան են տանելու Մայրապետյանին:

Հիշեցնենք, որ այս գործով Հատուկ քննչական ծառայությունը տեղեկություններ չի հայտնում, հաստատել է միայն, որ Մայրապետյանը մեղադրվում է քրեական օրենսգրքի 38-311-րդ հոդվածով՝ կաշառքի օժանդակության մեջ:

Իրավապահ համակարգի մեր աղբյուրների փոխանցմամբ՝ Մայրապետյանի վերաբերյալ գործի համար հիմք է եղել մեկ այլ գործարարի` Սիլվա Համբարձումյանի ցուցմունքը, բայց թե կոնկրետ ինչ բովանդակությամբ ցուցմունք է տվել Համբարձումյանը, դեռևս մեզ հայտնի չէ:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ
Ամենա

Մեկնաբանված

Կարդացված