Սարդոստայն. էլիտար շենքեր, էլիտար խարդախություններ
[ 2011/04/04 | 15:29 ]
Ամերիկահայ գործարար Էդմոնդ Խուդյանը նամակ է գրել նախագահ Սերժ Սարգսյանին եւ ներկայացրել, թե ինչ ճակատագրի են արժանացել իր հայաստանյան ներդումները:
Էդմոնդ Խուդոյանն իր ծանոթների եւ ընկերների հորդորով որոշել է ներդրումային ծրագրեր իրականացնել Հայաստանում: Նա 2003 թ.-ից իր ֆինանսական միջոցների մի մասը տեղափոխել է այստեղ եւ ներդրումներ կատարել անշարժ գույքի եւ այգեգործության ոլորտում` հիմնել է խաղողի եւ պտղատու ծառերի այգիներ: Է. Խուդյանը մեզ հետ հեռախոսազրույցում հայտնեց, որ ինքը վստահել է իրեն Հայաստանում ներդումների առաջարկ անողին: «Ես հրավիրված էի հանրային հեղինակություն ունեցող անձի կողմից, եւ նա երաշխավորեց, որ հերթական զոհի կարգավիճակում չեմ հայտնվի, իսկ այդ անձի դիրքը եւ հեղինակությունը բավարար էին իր խոսքին վստահելու համար»,- գրել է Է. Խուդյանը նախագահ Ս. Սարգսյանին ուղղված նամակում:
է. Խուդյանը 2005 թ. նոյեմբերին Հայաստանում հիմնադրել է «Արին կապիտալ» ՍՊԸ-ն: 2007 թ. դեկտեմբերից ընկերությունը նախաձեռնեց Երեւանի Մաշտոցի պողոտայի 33ա եւ 33/1 հասցեներում Էդմոնդ Խուդյանի ձեռք բերած 1.923,6 քմ մակերեսով հողամասի վրա կառուցված 10,5 հարկանի բազմահարկ շենքի կառուցապատման հետագա աշխատանքները:
Է. Խուդյանի հիմնական գործընկերն է դարձել մի քանի շինարարական կազմակերպությունների փաստացի սեփականատեր Վլադիսլավ Մանգասարյանը: Ընկերության տնօրեն է նշանակվել Է. Խուդյանի մանկության ընկերը` Էդուարդ Եսայանը:
«Դրանից հետո, պայմանավորվածության համաձայն, «Արին կապիտալ» ՍՊԸ-ում ունեցած իմ 100% բաժնեմասերի 21.3%-ը Վ. Մանգասարյանի ցուցումով փոխանցել եմ Հայկազ Սարգսյանին, իսկ 17.6%-ը` Ղեւոնդ Ղալումյանին, որոնցից Վ. Մանգասարյանը, որպես շինարարական կազմակերպությունների ղեկավար, հանձն էր առել շինարարությունն ավարտին հասցնելը, իսկ Ղ. Ղալումյանը` հարկային եւ պետական այլ մարմինների հանդեպ պարտավորությունների պատշաճ կատարումը եւ Ընկերության բնականոն գործունեության ապահովումը»,- գրել է Խուդյանը:
Այս պատմությունն այնքան խճճված եւ այնքան բազմադրվագ է, որ այն հասկանալու համար նախ եւ առաջ անհրաժեշտ է ներկայացնել «գործող» անձանց եւ որոշ նախապատմություն:
Ով է Վլադիսլավ Մանգասարյանը: Նրա աշխատանքային ուղին թույլ է տալիս եզրակացնել, որ դեռես խորհրդային տարիներին մեծ կարողություն է ունեցել: Վլադը, նրան այդպես են դիմում ընկերները, եղել է «Երեւանշին» ձեռնարկության կառավարչի տեղակալը: Իր տարբեր ընկերների մոտ Վ. Մանգասարյանը միշտ հպարտությամբ նշում է, որ 600 հազար քմ շինարարություն է իրականացրել իր կյանքում:
Էլիտար շինարարության բումի ժամանակ Վ. Մանգասարյանը սկսեց շենքեր կառուցել ինչպես Երեւանի կենտրոնում, այնպես էլ քաղաքի այլ հատվածներում: Դրանց մի մասն առայսօր անավարտ է, Վ. Մանգասարյանն այժմ էլ էլիտար շենք է կառուցում Դավիթաշեն թաղամասում: Նա է «ՎԷՌՄ» շինարարական կազմակերպության փաստացի ղեկավարը, ղեկավարում է նաեւ «Կամար» ՍՊԸ-ն: Վ. Մանգասարյանը հանդիսանում է նաեւ «ՎԷՌՄ» եւ «Կամար» ՍՊԸ-ների հիմնադրած «Վ.Մ.Գ. Գրուպ» ՓԲԸ-ի իրական սեփականատերն ու ղեկավարը: Երեւանի քաղաքացիական դատարանի 08.01.2009 թ. վճռով Վ. Մանգասարյանը սնանկ է ճանաչվել:
2004 թ. Վ. Մանգասարյանը Տերյան 4 ա հասցեում կառուցում է շենք, այնտեղ բնակարան ձեռք բերելու պայմանագիր կնքած 16 անձանց նա առայսօր չի ապահովել բնակարանով, վերջիններս անընդհատ բողոքում են եւ Վ. Մանգասարյանից պահանջում իրենց բնակարանները կամ վճարած գումարները: Այս շենքի տարածքի հետ կապված ուշագրավ պատմություն կա:
Տարածքը դեռեւս 90-ականներին ձեռք է բերել Ղեւոնդ Ղալումյանը: Շենքը որոշում են կառուցել երեք մասնակիցներով` Արսեն Ղազարյան, Ղեւոնդ Ղալումյան եւ Վլադիսլավ Մանգասարյան: Ղ. Ղալումյանը, որը ոստիկանության պաշտոնաթող գնդապետ էր եւ աշխատել է 6-րդ վարչությունում, ժամանակին խնդիրներ է ունեցել այն ժամանակվա ՆԳ նախարար Վանո Սիրադեղյանի հետ, արդյունքում լքել է Հայաստանը: Վ. Մանգասարյանը, գումարները հավաքելով, ապագա բնակիչներից Արսեն Ղազարյանի հետ կառուցում է այդ շենքը: Երբ Վանո Սիրադեղյանը լքեց Հայաստանը, երեք տարի անց Հայաստան վերադարձավ Ղեւոնդ Ղալումյանը եւ Վ. Մանգասարյանից պահանջեց իր մասնաբաժինը, որը, ըստ նախնական պայմանավորվածության, կազմում էր 1 մլն դոլար: Այդ ժամանակ Վ. Մանգասարյանն ինչ-որ գործի շրջանակում հայտնվում է ոստիկանությունում եւ Ղ. Ղալումյանի միջնորդությամբ ազատվում:
Ղեւոնդ Ղալումյանը Երեւանի կաբելի գործարանի հիմնական բաժնետերն է, բաժնետոմսերի 80%-ը պատկանում է նրան, ունի նաեւ շինարարական կազմակերպություններ: Հայաստան վերադառնալով` նա Վ. Մանգասարյանից պահանջում է իր փողը, իսկ Վլադիսլավը փող չուներ:
Ընդհանրապես Վ. Մանգասարյանի մասին նրա նախկին ընկերները պատմում են, որ մեծ գումարներ է կորցրել կազինոներում: Նրանք հավաստում են, որ եթե Վ. Մանգասարյանը խաղամոլ չլիներ, այժմ մեծ կարողությունների տեր կլիներ: Վ. Մանգասարյանը հենց այդ ընթացքում «Ակունք» բանկին պարտք էր մոտ 5 մլն ԱՄՆ դոլարին համարժեք վարկային գումար: 2009 թ. դեկտեմբերի 29-ին ԿԲ խորհուրդը որոշեց «Ակունք բանկ» ՓԲԸ բանկը լուծարված եւ գործունեությունը դադարած համարել: Այս բանկի ոդիսականն առանձին պատմություն է` լի բազմաթիվ քրեական դրվագներով:
Իսկ ինչպես են այս պատմություններն առնչվում ամերիկահայ գործարար Էդմոնդ Խուդոյանի գործունեությանը, եւ ովքեր են խորհուրդ տվել նրան ներդրում կատարել շինարարության մեջ, ում է տարածքներ տվել եւ վաճառել Վլադիսլավ Մանգասարյանը Մաշտոցի 33ա եւ 33/1 հասցեի շենքերում: Այս մասին` «Հետքի» հաջորդ համարում: Նշենք, որ Էդմոնդ Խուդյանը դիմում է ներկայացրել ՊԵԿ-ի նախագահ պարոն Գ. Խաչատրյանին, եւ այս օրերին Վ. Մանգասարյանն ու Է. Եսայանը բացատրություններ են տալիս Պետեկամուտների կոմիտեի հետաքննիչներին:
Էդմոնդ Խուդյանի ներկայացուցիչ Անի Թորոսյանը նամակով դիմել է ՊԵԿ նախագահ Գագիկ Խաչատրյանին` ներկայացնելով ներդրումային ծրագրի բոլոր մանրամասները, եւ խնդրել է պարզել, «թե ում գործողությունների արդյունքում է ներկայումս «Արին Կապիտալ» ներդրումային ՍՊԸ-ն ծանրաբեռնվել հսկայական հարկային պարտավորություններով եւ մեղավոր անձանց ենթարկել քրեական պատասխանատվության»:
շարունակելի
Ապրիլ 4th, 2011 at 15:16
Ինչպես ժողովուրդն է ասում` էս խմորը դեռ շատ ջուր է քաշելու:
Ապրիլ 4th, 2011 at 20:28
Vlad vonc or es meka kul cheta
Ապրիլ 4th, 2011 at 22:28
cavoq srti espes a mer amboxj erkri vichak@ hamatarac XABEBAYUTYUN
Ապրիլ 4th, 2011 at 23:10
es el, kancni u kgna (cavoq) KJREN -KETA)) kAM MEKIN pur@ KTAN U VERJ
Ապրիլ 5th, 2011 at 06:53
Ay ayspes en BOLOR POXERY anhetanum 5% mafios-oligarxneri grpanum.
Ardyunkum:
- 95% axkat kam CHKAVOR bnakchutiun,
- HIASTAPVATS u Hayastanits ZZVATS nerdroxner/ognoxner.
5%-y 95%-in XTSKEL e GOMY, dury koxpel u zhamanak ar zhamanak DRAN TAKITS mi ktor hats u jur e ners brxkum, vor sovits DRNERY CHKOTREN u irents unetsvatsky takov anen.
Ապրիլ 5th, 2011 at 09:27
I really hope after all this is said and done, the Armenian President Mr. Sargsyan will stand up and do something about it. Hopfuly so called Vladislav Mangasaryan and other responsible people will be criminally charged.
Ապրիլ 5th, 2011 at 23:02
Stella, is it joke? Armenian President is illegal, he is not going to stand up and do something about it. He is one of them(biggest crooks), all his surrounding people and government are the same they all get paid bribes they all are corrupted. There is no one in Armenian government that is not corrupt. We need someone like Georgian Saakashvili to enforce the law and reduce Russian-corruption influence. One thing Diaspora can do it to limit all state help and support for this corrupt government and president. Yes we need to help poor people, but we should stop helping these crooks to become richer and wealthier. We also can pressure Armenian rules from US and other countries (I doubt Armenian-Russion Diaspora will, because they crooks too and most gained their wealth trough corruption and illegally too). Our country is becoming more and more ridiculous place, prices are skyrocketing, corruption is thriving, people are suffering, but hey all government people and oligarchs are getting wealthier and more powerful. This MUST STOP!
Ապրիլ 7th, 2011 at 03:20
Hayk,
Even we change the president the corruption WILL stay in Armenia…
I agree with you about the corruption in Armenia, but corruption has nothing to do with US or Russia’s involvement…today it is an Armenian disease, even poor when they get an opportunity will do it in Armenia…we have to have subjects about corruption in our educational system and teach society about it’s negative consequences over Armenia’s economy and people’s daily life..corruption must be controlled by ordinary citizens of society with their own will and tools, then “right” citizens will pass laws and rules in our court systems. the laws will be respected by people no matter you are rich or poor or even a president…and this will take time.