«Անզգույշ» էտում
[ 2009/04/30 | 18:38 ]
Երբ Գագիկ Բեգլարյանը նշանակվեց Երեւանի քաղաքապետի պաշտոնում, հայտարարեց, թե ինքը կանգնելու է յուրաքանչյուր ծառի կողքին:
Օղակաձեւ զբոսայգու Խանջյան-Վարդանանց խաչմերուկում գտնվող նախկին փոքրիկ սրճարանի փոխարեն այժմ կառուցվում է նոր սրճարան: Տարածքում աճում են տասնյակ մեծ եւ մի քանի նոր, դեռ բարակ բարդիներ, որոնցից որոշները հատուկ կեղեւազրկված են, եւ պարզ է դառնում, որ սրճարանին «խանգարող» ծառերը կհատվեն` պատճառաբանությամբ, թե չորացել են:
Մի բարակ բարդի էլ մի կողմից արմատախիլ է արվել եւ ամբողջությամբ թեքվել, իսկ բնի հատվածում դանակով քերված է ծառի կեղեւը: Ծառի բունը քերելու այս մեթոդը, կարելի է ասել, Երեւանում ամենակիրառելիներից է «տարածքն ազատելու» համար:
Ապագա սրճարանի տարածքում աշխատող բանվորներից մեկն ասաց, թե այդ բարդին թեքվել է, երբ քար է ընկել եւ հարվածել բնին, մյուսն ասաց. «Էն օրը էտողներն էին եկել, ավտո էին մտցրել, անզգուշությամբ են վարվել ու ծառը թեքվել է եւ վնասվել»:
Նախկին սրճարանի տարածքը գրեթե բետոնապատված չէր, իսկ այս նոր սրճարանը խոստանում է բազում բետոնապատ արահետներ:
Երեւանի քաղաքապետարանի բնապահպանության վարչության պետ Ավետ Մարտիրոսյանը մեզ հետ հեռախոսազրույցից հետո վարչության աշխատողներին ուղարկեց տարածքը զննելու, որից հետո նրանից ստացանք հետեւյալ պատասխանը. «Այդ տարածքի ծառերը էտվել են եւ բարեկարգվել է տարածքը»: Այն հարցին` արդյոք կեղեւի քերվածքն էլ է մտնում էտման մեջ, Ավետ Մարտիրոսյանն ասաց. «Ոչ մի այդպիսի բան չկա, իսկ եթե ծառ էլ վնասվի, նորը կտնկենք»:
Բացի այդ, Բնապահպանության վարչությունից ասացին, որ շուտով բարդիները վերացվելու են քաղաքից` փոխարինվելով այլ ծառատեսակներով:
Նոյեմբեր 28th, 2009 at 22:32
Shnorhakalutyun Hetqin,
haziv mek@ sksec hetevoxakan linel mer carerin, vornq amen or hatvum en apushneri koxmic…
xndrum em, aydpes hetevoxakan exeq,
mardkanc el koch em anum, misht hetevel ev tuyl chtal, vorpeszi hatven carer@.
Hetqin el kareli e erevi texekacnel.
Nranq karces te karoxanum en vorosh harcer lucel…